गोरखापत्र अनलाइन
सङ्घीयताको लाभ नपाउँदा वितृष्णा
लोकतन्त्र र सङ्घीयताको फल आमनागरिकले पाउनुपर्नेमा विज्ञहरूले जोड दिनुभएको छ । फ्रेडरिक इबर्ट स्टिफ्टुङ (एफइएस) नेपाल च्याप्टरले शनिबार चितवनको भरतपुरमा आयोजना गरेको ‘लोकतन्त्र संवाद तथा नागरिक शिक्षा’ विषयक अन्तर्क्रियामा संविधानविद् काशीराज दाहालले यस्तो औँल्याउनुभएको हो ।
मिटरब्याजीविरुद्ध ७६४ उजुरी
मिटरब्याजीविरुद्ध सर्लाहीमा ७६४ वटा उजुरी परेका छन्। अनुचित लेनदेन (मिटरब्याज) विरुद्ध कारबाहीको माग गर्दै जिल्ला प्रशासन कार्यालयमा शुक्रबारसम्म ७६४ जनाको उजुरी दर्ता भएको हो। सरकारले मिटरब्याजको सम्बन्धमा अनुसन्धान गरी पीडकलाई कारबाही गर्न जाँचबुझ आयोग गठन गरेपछि सर्लाहीका मिटरब्याज पीडितले आफूलाई पीडा दिने मिटरब्याजीविरुद्ध धमाधम उजुरी दिइरहेका हुन्। यस प्रकारको उजुरी लिन कार्यालयमा सहायता कक्ष नै स्थापना गरिएको जिल्ला प्रशासन कार्यालयले जनाएको छ। सहायता कक्षमा राखिएका कर्मचारीले पीडितलाई उजुरी लेख्नका लागि सहयोग गर्दै आइरहेका छन्।
बयालिस किलोमिटर सडक कालोपत्रे
यो वर्ष पाँचथरमा ४२ किलोमिटर सडक कालोपत्रे गरिएको छ। फिदिम नाङ्गिन याङनाम सडकखण्डको ३५ र फिदिम रानिटार गोरुवाले सन्दकपुरको सात किलोमिटर सडक कालोपत्रे गरिएको हो।
प्राकृतिक बासस्थानमा वृद्धि हुन सकेन घडियाल गोही
चितवन राष्ट्रिय निकुञ्जको कसरामा रहेको घडियाल संरक्षण केन्द्र्रले प्रत्येक वर्ष प्राकृतिक बासस्थानमा गोही छाड्दै आएको छ । प्राकृतिक बासस्थानमा भने गोहीको सङ्ख्या आशातीत वृद्धि हुन सकेको छैन । नारायणी नदीको सीमित क्षेत्र र राप्ती नदीमा मात्र गोहीको सङ्ख्या केही वृद्धि भएको छ ।
हेलम्बुमा कक्षा १२ सम्म दिवा खाजा
हेलम्बु गाउँपालिकाले कक्षा १२ सम्मका विद्यार्थीलाई दिवा खाजा खुवाउँदै आएको छ । सरकारले कक्षा ६ सम्मका विद्यार्थीलाई दिवा खाजा उपलब्ध गराउँदै आएको भए पनि हेलम्बु गाउँपालिकाले माध्यमिक तहका विद्यार्थीलाई आफ्नै स्रोतले दिवा खाजा खुवाउँदै आएको हो ।
योजना तर्जुमा गर्दा समेटिदैनन् सीमान्तकृत समुदाय
सीमान्तकृत समुदायले योजना तर्जुमा गर्दा आफूहरूलाई समावेश गर्न माग गरेका छन् । संविधानले योजना तर्जुमा गर्दा सीमान्तकृत समुदायलार्य विशेष सुविधा दिने व्यवस्था गरेको भए पनि यस्ता समुदायसँग प्रत्यक्षरूपमा जोडिने स्थानीय सरकारले भने यसमा ध्यान नदिएको उनीहरुले गुनासो गरेका छन् । यसले गर्दा वास्तविक समुदायले यो सुविधा उपभोग गर्न नपाएको पूर्वकम्लरी सुलोचना चौधरीले बताउनुभयो ।
पुल निर्माणको माग राख्दै सङ्घीय सांसद बसे अनसन
बबई नदी स्थित जब्दीपुल निर्माणको माग राख्दै सङ्घीय सांसद सञ्जयकुमार गौतमले आमरण अनशन (सत्याग्रह) सुरु गर्नुभएको छ । पूर्व सिँचाइ मन्त्री समेत रहनु भएका गौतमले शनिवार साँझबाट अनसन सुरु गर्नुभएको हो ।
वर्ष दिनमा सात लाख करदाता थपिए
पछिल्लो समयमा करमा दर्ता हुनेको सङ्ख्या निरन्तर बढिरहेको छ । सम्पूर्ण किसिमको आर्थिक कारोबारका लागि स्थायी लेखा नम्बर (प्यान) र साना व्यवसाय पनि मूल्य अभिवृद्धि कर (भ्याट)मा दर्ता हुनुपर्ने व्यवस्था कार्यान्वयनमा आएपछि करमा दर्ता हुनेको सङ्ख्या व्रmमिक रूपमा बढिरहेका छन् ।
थपिँदै छन् त्रिचालिस ब्रोकर कम्पनी
अहिलेसम्म नयाँ ब्रोकरको लाइसेन्सका लागि निवेदन दिएकामध्ये ४३ कम्पनीले ब्रोकरका रूपमा काम गर्न आशयपत्र प्राप्त गरेका छन् । आशयपत्र प्राप्त गर्ने ४३ मध्ये १२ वटा वाणिज्य बैङ्कका सहायक कम्पनी छन् ।
एमालेले तीन प्रतिशत सदस्यता विस्तार गर्ने
नेकपा (एमाले)ले वार्षिक कार्ययोजना तयार पारेको छ। तीन दिनसम्म सञ्चालन भएको केन्द्रीय कमिटी बैठकले पार्टीको सङ्गठन विस्तार र शुद्धीकरण अभियान सञ्चालन गर्न कार्ययोजना तयार पारेको हो। ललितपुरस्थित पार्टी मुख्यालयमा आयोजित पत्रकार सम्मेलनमा एमाले प्रचार विभाग प्रमुख पृथ्वीसुब्बा गुरुङले शनिबार बसेको स्थायी कमिटी बैठकले तयार पारेको वार्षिक कार्ययोजना केन्द्रीय कमिटी बैठकले अनुमोदन गरेको जानकारी दिनुभयो।
धौलागिरी हिमालको फ्रेन्चपास
म्याग्दीको धवलागिरी गाउँपालिका–४ स्थित फ्रेन्चपास नाका ।
भ्रष्टाचार अन्त्य गर्न लागिपरेका छौँ : मन्त्री मोदी
सङ्घीय मामिला तथा सामान्य प्रशासनमन्त्री अमनलाल मोदीले भ्रष्टाचारको गन्धमात्रै आए जो–कोहीलाई पनि कारबाही हुने बताउनुभएको छ।
आयोजक मदन भण्डारी स्पोर्ट्स एकेडेमी च्याम्पियन
आयोजक मदन भण्डारी स्पोर्ट्स एकेडेमीले दोश्रो बागमती प्रदेशस्तरीय तेक्वान्दो प्रतियोगिताको उपाधि शनिबार जितेको छ । ९ स्वर्ण, २ रजत र ५ कांस्यसाथ आयोजक टिम च्याम्पियन बन्यो ।
दार्चुलामा भिरबाट लडेर एकको मृत्यु
दार्चुलाको मालिकार्जुन गाउँपालिकामा भिरबाट लडेर एक पुरुषको ज्यान गएको छ । शनिबार विहान मालिकार्जुन गाउँपालिका –८ चस्कोट बस्ने अन्दाजी ४० वर्षीय जयराम लुहारको घरनजिकैको भिरबाट लडेर ज्यान गएको हो ।
भ्रष्टाचार नियन्त्रणमा शिक्षकको भूमिका महत्त्वपूर्ण हुन्छ : मन्त्री गुरुङ
कानुन, न्याय तथा संसदीय मामीलामन्त्री धनराज गुरुङले देशमा व्याप्त भ्रष्टाचार नियन्त्रणका लागि शिक्षकहरूको भूमिका महत्वपूर्ण रहेको बताउनुभएको छ।
