गोरखापत्र अनलाइन
महावु गाउँपालिका अध्यक्षमा एमालेका शाही विजयी
महावु गाउँपालिकाको अध्यक्षमा नेकपा एमालेकाका जङ्गबहादुर शाही विजयी हुनुभएको छ । मुख्य निर्वाचन अधिकृतको कार्यालयले दिएको प्रारम्भिक मत परिणाम अनुसार एमालेका शाहीले तीन हजार १२७ मत प्राप्त गरी विजयी हुनुभएको छ । उहाँका निकटतम प्रतिस्पर्धी नेपाली काँग्रेसका झलक भण्डारीले दुई हजार ६७५ मत प्राप्त गर्नुभएको छ ।
बाजुरामा एमालेकी भण्डारी (बुढा) विजयी
बाजुराको स्वामिकार्तिक खापर गाउँपालिकाकोे उपाध्यक्षमा नेकपा एमालेकी सुलोचना भण्डारी ( बुढा ) विजय हुनुभएको छ । गत आइतबार सम्पन्न उपनिर्वाचन अन्तर्गत एक हजार ७४० मतसहित उहाँ विजयी हुनुभएको हो ।
उपनिर्वाचनः कीर्तिपुर र काठमाडौँ १६ मा मतगणना जारी
काठमाडौँका दुई स्थानीय तहमा आइतबार सम्पन्न उपनिर्वाचनको मतगणना जारी छ । आज बिहान ४ बजेसम्मको विवरण अनुसार काठमाडौँ, महानगरपालिका वडा नं १६ मा राष्ट्रिय स्वतन्त्र पार्टीका उम्मेदवार रोजिना श्रेष्ठले एक हजार तीन सय पाँच मत प्राप्त गरी अग्रता कायम गर्नुभएको छ ।
प्रधानमन्त्री ओली आज चीनको औपचारिक भ्रमणमा जानुहुँदै
प्रधानमन्त्री केपी शर्मा ओली जनवादी गणतन्त्र चीनको औपचारिक भ्रमणका लागि आज बिहान चीनको बेइजिङ प्रस्थान गर्नुहुने भएको छ । चीनका प्रधानमन्त्री ली छ्याङको मैत्रीपूर्ण निमन्त्रणामा उहाँले यही मङ्सिर १७ देखि २० गतेसम्म चीनको औपचारिक भ्रमण गर्न लाग्नुभएको हो ।
-original-thumb.jpg)
उखु कृषकलाई अनुदान
सरकारले उखु कृषकलाई प्रति क्विन्टल ७० रुपियाँ अनुदान रकम दिने निर्णय गरेको छ । मङ्सिर १३ गते बसेको मन्त्रीपरिषद्को बैठकले सो निर्णय गरेको हो ।
प्रधानमन्त्री ओलीको चीन भ्रमण आजदेखि
प्रधानमन्त्री केपी शर्मा ओली सोमबार औपचारिक भ्रमणका लागि छिमेकी मुलुक चीन प्रस्थान गर्दै हुनुहुन्छ ।
हेटौँडा उपमहानगर १२ को वडाध्यक्षमा कांग्रेसका तिवारी निर्वाचित
स्थानीय तह उपनिर्वाचन, २०८१ अन्तर्गत हेटौँडा उपमहानगरपालिका वडा नं. १२ को वडाध्यक्ष पदको लागि भएको निर्वानचमा नेपाली कांग्रेसका उम्मेदवार अर्जुनप्रसाद तिवारी निर्वाचित हुनुभएको छ ।
सिरिजङ्गा ३ मा एमालेका सावादेन निर्वाचित
ताप्लेजुङको सिरिजङ्गा गाउँपालिका –३ को वडा अध्यक्षमा नेपाल कम्युनिष्ट पार्टी (एमाले) का कुमारी सावादेन निर्वाचित हुनुभएको छ । आइतबार सम्पन्न भएको उपनिर्वाचनमा उहाँले ३५३ मत प्राप्त गरी विजयी हुनु भएको मुख्य निर्वाचन अधिकृत विकास श्रेष्ठले जानकारी दिनुभयो ।
बर्दियाको ठाकुरबाबा ४ मा काँग्रेसका थारु निर्वाचित
बर्दियाको ठाकुरबाबा नगरपालिका वडा नम्बर ४ वडाअध्यक्ष पदमा नेपाली काँग्रेसका अमिन थारुले फराकिलो अग्रता लिएर बिजयी हुनु भएको छ।
रौतहटको ईशनाथ ७ मा कांग्रेसका खलिक विजयी
रौतहटको इशनाथ नगरपालिका वडा ७ को अध्यक्षमा नेपाली कांग्रेसका शेख अब्दुल खलिक विजयी भएको निर्वाचन आयोगले जनाएको छ ।
डाक्नेश्वरी ४ मा जसपाका यादव विजयी
डाक्नेश्वरी नगरपालिका वडा ४ मा जनता समाजवादी पार्टी, नेपाल (जसपा) का उम्मेदवार दिपेन्द्रप्रसाद यादव विजयी हुनुभएको छ । यादवले नेपाली काँग्रेसका जोगिन्द्र अमात्यलाई पराजित गरी ९५ मतको अन्तरले विजयी हुनुभएको हो ।
मुसिकोट १ मा कांग्रेसका श्रेष्ठ विजयी
गुल्मीको मुसिकोट नगरपालिका वडा १को वडाध्यक्षमा नेपाली कांग्रेसका आनन्द श्रेष्ठ विजयी हुनुभएको छ । आइतबार सम्पन्न उपनिर्वाचनमा श्रेष्ठ एक हजार १८४ मत प्राप्त गर्दै विजयी हुनुभएको हो ।
झापाको कन्काई ६ मा स्वतन्त्र उम्मेदवारको जित
झापाको कन्काई नगरपालिका –६ को वडा अध्यक्ष पदका लागि भएको उपनिर्वाचनमा स्वतन्त्र उम्मेदवार निर्वाचित लक्ष्मीप्रसाद ओली निर्वाचित हुनुभएको छ । चापाकल चुनाव चिह्न पाएका स्वतन्त्र उम्मेदवार ओलीले ४ सय ९३ मत ल्याएर निर्वाचित हुनुभएको हो ।
महोत्तरीको रामगोपालपुर २ मा एमालेका खान विजयी
महोत्तरीको रामगोपालपुर नगरपालिका वडा २ को अध्यक्षमा एमालेका सकवुल खान विजयी हुनुभएको छ । उहाँले ६३१ मतका साथ विजयी हुनुभएको हो ।
गोरखा नगरपालिका – ५ मा माओबादी केन्द्रका राना निर्वाचित
गोरखा नगरपालिका –५ को वडा अध्यक्षमा नेकपा (माओबादी केन्द्र) का बिष्णु राना मगर निर्बाचित हुनु भएको छ ।
