रमेश विश्वकर्मा
गुल्मी, मंसिर १७ गते । गुल्मीको मुसिकोट नगरपालिका वडा १को वडाध्यक्षमा नेपाली कांग्रेसका आनन्द श्रेष्ठ विजयी हुनुभएको छ । आइतबार सम्पन्न उपनिर्वाचनमा श्रेष्ठ एक हजार १८४ मत प्राप्त गर्दै विजयी हुनुभएको हो ।
मुख्य निर्वाचन अधिकृतको कार्यालयका अनुसार उहाँका निकटम प्रतिद्वन्द्वी नेकपा (एमाले) का उम्मेदवार दलबहादुर थापाले ९३० मत प्राप्त गर्नुभयो । अर्का प्रतिद्वन्द्वी नेकपा (माओवादी केन्द्र) का उम्मेदवार दुर्गाबहादुर विकले १४३ मत, राष्ट्रिय स्वतन्त्र पार्टीका विकास थापाले ४३ मत र राष्ट्रिय प्रजातन्त्र पार्टीका इश्वरी खाती क्षत्रीले ५ मत प्राप्त गर्नुभयो ।
त्यस्तै, हात मिलाएको चुनाव चिन्ह लिनुभएका स्वतन्त्र उम्मेदवारले एक मत प्राप्त गर्नुभयो । २८ मत बदर भएको छ । कुल चार हजार ९१ मतदाता रहेको यस वडामा दुई हजार ३३४ मत खसेको थियो । २०७९ को स्थानीय तह निर्वाचनमा नेपाली कांग्रेसबाट निर्वाचित वडा अध्यक्ष मोहन घिमिरेको निधन भएपछि यहाँ उपनिर्वाचन भएको हो ।
