गोरखापत्र अनलाइन
ताप्लेजुङ, मंसिर १७ गते । ताप्लेजुङको सिरिजङ्गा गाउँपालिका –३ को वडा अध्यक्षमा नेपाल कम्युनिष्ट पार्टी (एमाले) का कुमारी सावादेन निर्वाचित हुनुभएको छ । आइतबार सम्पन्न भएको उपनिर्वाचनमा उहाँले ३५३ मत प्राप्त गरी विजयी हुनु भएको मुख्य निर्वाचन अधिकृत विकास श्रेष्ठले जानकारी दिनुभयो ।
उहाँका निकटम प्रतिस्पर्धी नेपाल कम्युनिष्ट पार्टी (माओवादी केन्द्र) का अम्वी सावादेनले दुईसय ५१ मत प्राप्त गर्नुभयो । नेपाली कांग्रेसका भीमकुमार लक्सम्वाले दुईसय १८ मत पाउनुभयो । सङ्घीय लोकतान्त्रिक राष्ट्रिय मञ्चका राजेन्द्र लिम्बूले ५४ र राष्ट्रिय स्वतन्त्र पार्टीका देवीप्रसाद पौडेल ७ मत प्राप्त गर्नुभएको अधिकृतको कार्यालयले जनाएको छ ।
