गोरखापत्र अनलाइन
प्रक्रियागत सरलीकरण प्राथमिकतामा
विद्युत् नियमन आयोगका नवनियुक्त अध्यक्ष डा. रामप्रसाद धितालले आयोगको क्षेत्राधिकारमा रहेका काम कारबाहीको प्रक्रियागत सरलीकरण गर्दै जाने बताउनुभएको छ । स्वतन्त्र ऊर्जा उत्पादकको संस्था, नेपाल (इप्पान) ले बुधबार आयोजना गरेको शुभकामना तथा बधाई कार्यक्रममा उहाँले निजी क्षेत्रको भूमिकाको कदर गर्दै व्यवस्थित र सहज ढङ्गबाट कार्यसम्पादन गर्ने प्रतिबद्धता जनाउनुभएको हो । “प्रक्रियागत सरलीकरण आयोगको प्राथमिकतामा छ,” उहाँले भन्नुभयो, “एउटै काम दुई ठाउँबाट हुने अवस्था अन्त्य गरी समान प्रकृतिका कामको जिम्मा कुनै एउटै मात्र निकायलाई दिइने छ ।”
एकीकृत समाजवादीको सचिवालय बैठक बस्दै
नेपाल कम्युनिष्ट पार्टी [एकीकृत समाजवादी] ले सचिवालय बैठक बस्दै छ ।
हरेक बालीको उत्पादन वृद्धि हुने अनुमान
चालु आर्थिक वर्ष सबै बालीको उत्पादन बढ्ने अनुमान सरकारले गरेको छ । आर्थिक सर्वेक्षण २०८०/८१ का अनुसार धान, गहुँ, मकैलगायत खाद्यान्न बालीको उत्पादन ४.३६ प्रतिशत तथा नगदेबालीका रूपमा रहेका आलु र तेलहन बालीको उत्पादन ५.०७ प्रतिशतले बढ्ने अनुमान गरेको छ । त्यस्तै औद्योगिक बालीको उत्पादन ४.६३ प्रतिशत, दलहन बाली ४.७९ प्रतिशत, मसलाबाली ३.७४ प्रतिशत, फलफूल बाली ०.६७ प्रतिशत र तरकारी ०.५२ प्रतिशतले वृद्धि हुने अनुमान सर्वेक्षणले गरेको छ । नेपाल कृषि अनुसन्धान परिषद् (नार्क) ले चालु आवको फागुनसम्म ९४.१७ मेट्रिक टन स्रोत बिउ उत्पादन गरेको छ ।
पचहत्तर प्रतिशत युवा विदेश नपुग्दै ठगिन्छन्
वैदेशिक रोजगारीमा जाने नेपाली श्रमिक सबैभन्दा बढी आफ्नै देशमा ठगिने गरेका छन् । वैदेशिक रोजगारीका पीडितलाई निःशुल्क कानुनी सेवा दिँदै आएको संस्था (पिपुल फोरम) को अध्ययनमा गन्तव्य मुलुक प्रस्थान गर्नुअगावै श्रमिक स्वदेशमै ठगिने गरेका छन् । सो संस्थाको अध्ययनमा चालु आर्थिक वर्षको ११ महिनामा वैदेशिक रोजगार विभागमा दर्ता भएका ठगी दुई हजार ३०४ मुद्दाको अनुसन्धान गर्दा ७५ प्रतिशत युवा स्वदेशमै रहेका एजेन्टबाट ठगिएको उल्लेख छ ।
दोस्रो चरणको पेट्रोलियम पाइप लाइन परियोजना अगाडि बढ्दै
दोस्रो चरणको पेट्रोलियम पाइप लाइन परियोजनाको निर्माण कार्य अगाडि बढ्ने भएको छ । नेपाल आयल निगम र इन्डियन आयल कर्पोरेसन (आइओसी) को संयुक्त लगानीमा पेट्रोलियम पाइप लाइन परियोजनाको निर्माण प्रक्रिया अन्तिम चरणमा पुगेको हो ।
नौ वटा सहकारीबाट कागजात झिकाउने निर्णय
सहकारी संस्थाको बचत रकम दुरुपयोग सम्बन्धमा बनेको संसदीय छानबिन विशेष समितिले विभिन्न नौ वटा सहकारीबाट कागजात झिकाउने निर्णय गरेको छ । उपप्रधानमन्त्री एवं गृहमन्त्री रवि लामिछानेको समेत नाम जोडिएका सहकारीबाट कागजात माग गरिएको हो । समितिले सम्बद्ध सहकारीबाट गोरखा मिडिया नेटवर्कमा प्रवाह भएको रकमका सम्बन्धमा पनि कागजात माग गरेको समितिका सभापति सूर्य थापाले जानकारी दिनुभयो ।
पहिरोमा गम्भीर घाइते भएकालाई काठमाडौं लगियो
ओखलढुङ्गाको शेर्ना थुम्कीमा बुधबार विहान गएको पहिरोमा परेर गम्भीर घाइते भएकालाई उपचारका लागि काठमाडौं पठाइएको छ ।
विपदमा परी १४ जनाको मृत्यु, दुई बेपत्ता
पछिल्लो २४ घण्टामा विभिन्न जिल्लामा ४४ वटा विपद्जन्य घटना घटेका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार ती घटनामा हालसम्म १४ जनाको मृत्यु पुष्टि भएको छ । दुई जना बेपत्ता छन् ।
-original-thumb.jpg)
निबन्ध लेखन तथा वक्तृत्वकलामा विद्यार्थी पुरस्कृत
नेपालस्थित पाकिस्तानी दूतावासले ११ औँ वार्षिक निबन्ध लेखन प्रतियोगिता तथा सातौँ वक्तृत्वकला प्रतियोगिता बुधबार सम्पन्न गरेको छ ।
महिला सवालमा नेतृहरू उभिनुपर्छ : उपसभामुख राना
प्रतिनिधि सभाका उपसभामुख इन्दिरा रानाले ‘उप’ को पनि जिम्मेवारी हुन्छ भन्ने बुझ्नुपर्ने बताउनुभएको छ । शान्ति, न्याय र लोकतन्त्रको लागि महिला सञ्जाल ‘सङ्कल्प’ ले बुधबार राजधानीमा आयोजना गरेको एकीकृत निर्वाचन मस्यौदा ऐनको विषयमा अन्तरक्रिया कार्यक्रममा बोल्नुहुँदै उहाँले सो कुरा बताउनुभयो ।
फेवातालमा डुबेर एकको मृत्यु
फेवातालमा माछा मार्ने क्रममा डुबेर बुधबार दिउँसो एक जनाको ज्यान गएको छ । कास्कीको पोखरा महानगरपालिका –१८ खपौदी फेवातालमा माछा मार्ने क्रममा डुबेर ३३ वर्षीय सुकबहादुर मगरको मृत्यु भएको हो ।
विआरआई कार्यान्वयन योजनामा हस्ताक्षर हुने
नेपाल र चीनबिच बिआरआई कार्यान्वयन योजनामा छिट्टै हस्ताक्षर हुने भएको छ । नेपालको औपचारिक भ्रमणमा रहनुभएका चीनका उपविदेशमन्त्री सुन वेइतोङ र उपप्रधान तथा परराष्ट्र मन्त्री नारायणकाजी श्रेष्ठबिच परराष्ट्र मन्त्रालयमा बुधबार बिहान भएको भेटघाटका क्रममा बिआरआईको योजनालाई जतिसक्दो चाँडो अन्तिम रूप दिई हस्ताक्षर गर्ने सहमति जुटेको हो ।
कोदालो प्रहारले एकको मृत्यु
महोत्तरीको औरही नगरपालिका –४ कबिलासामा देवरको सांघातिक आक्रमणले भाउजूको ज्यान गएको छ । प्रहरीका अनुसार घर बनाउने बिषयमा बुधबार साँझ साढे ५ बजेतिर विवाद चर्कदा देवर रामजतन यादवले कोदालो प्रहार गर्दा ५० वर्षीया भाउजू रीतादेवी यादवको मृत्यु भएको हो ।
‘निजामती सेवालाई प्रभावकारी बनाउन जरुरी’
ऊर्जा जलस्रोत तथा सिँचाइमन्त्री शक्तिबहादुर बस्नेतले निजामती सेवालाई थप प्रभावकारी र व्यवस्थित बनाउन सबैको सहयोग जरुरी रहेको बताउनुभएको छ ।
‘सञ्चार माध्यममा दलित समुदायको सहभागिता सुनिश्चित गरिनुपर्छ’
आमसञ्चार माध्यममा दलित समुदायको सहभागिता सुनिश्चित गरिनुपर्नेमा सरोकार भएकाहरुले जोड दिएका छन् ।
