गोरखापत्र अनलाइन
कानुनभन्दा माथि कोही छैन : गृहमन्त्री गुरुङ
गृहमन्त्री सुधन गुरुङले कानुनभन्दा माथि कोही नहुने बताउनुभएको छ । शनिबार बिहान पूर्वप्रधानमन्त्री एवम् नेकपा एमाले अध्यक्ष केपी शर्मा ओली र पूर्वगृहमन्त्री रमेश लेखक पक्राउ पर्नुभएपछि सामाजिक सञ्जालमा लेख्नुहुँदै गृहमन्त्री गुरुङले यो प्रतिसोध नभइ न्यायको सुरुवात भएको बताउनुभयो ।
अभि–अभिनन्दनसँगै विश्व रङ्गमञ्च दिवस मनाइयो
संसारभरका रङ्गकर्मी र रङ्गप्रेमीले विश्व रङ्गमञ्च दिवस मार्च २७ मनाउने क्रममा नेपालमा ‘अभि–अभिनन्दन’ समारोहबिच विश्व सन्देश आदानप्रदान गर्दै मनाएका छन् । नाट्यकलाको विश्व सङ्गठन इन्टरनेसनल थिएटर इन्स्टिच्युटको सेन्टर आइटिआई नेपालले नेपाली रङ्गमञ्चमा अनुकरणीय योगदान पु¥याउनुहुने प्राडा अभि सुवेदीलाई सम्मान–अभिनन्दन गरेको हो ।
अविरल वर्षाले कर्णाली करिडोर अवरुद्ध
शुक्रबार परेको अविरल वर्षाका कारण कर्णाली करिडोरअन्तर्गत विभिन्न स्थानमा सडक अवरुद्ध भएको छ। निरन्तर वर्षासँगै आएको पहिरो र ढुङ्गा खस्दा सडक अवरुद्ध भएपछि सवारी आवागमन पूर्ण रूपमा प्रभावित भएको हो।
राजस्व अनुसन्धान विभाग खारेज हुने
नवनियुक्त अर्थमन्त्री डा. स्वर्णिम वाग्लेले राजस्व अनुसन्धान विभाग र ऐन खारेजीका लागि कार्यदल गठन गर्ने निर्णय गर्नुभएको छ । अर्थमन्त्रीका रूपमा शुक्रबार पदबहाली गर्दै उहाँले उच्चस्तरीय आर्थिक सुधार सुझाव आयोग, २०८१ को प्रतिवेदनका आधारमा मन्त्रीपरिषद्मा लानु्पर्नेलाई मन्त्रीपरिषद्मै र संसद्मा लानुपर्नेलाई संसद्मै लैजाने बताउनुभयो । यससँगै प्रतिवेदनमा उल्लिखित १५ वटा ऐन पनि खारेज गर्ने प्रक्रिया सुरु हुने भएको छ ।
दक्ष जनशक्ति उत्पादनलाई प्राथमिकता
नवनियुक्त श्रम, रोजगार तथा सामाजिक सुरक्षामन्त्री दीपककुमार साहले आन्तरिक रोजगारीलाई प्राथमिकता दिँदै दक्ष जनशक्ति उत्पादनलाई प्राथमिकता दिने निर्णय गर्नुभएको छ । शुक्रबार मन्त्रालयको पदभार ग्रहण गरेलगत्तै उहाँले दक्ष जनशक्ति उत्पादनलाई प्राथमिकता राखेर काम गर्ने निर्णय गर्नुभएको हो । श्रम मन्त्रालयका सचिव डा. दीपक काफ्लेले ‘नेसनल एकेडेमी अफ भोकेसन ट्रेनिङ’ को एक महिनाको रणनीति योजना बनाउने गरी गर्नुभएको प्रस्तावको निर्णयमा मन्त्री साहले हस्ताक्षर गर्नुभयो ।
ऊर्जामन्त्रीको प्राथमिकता नीति र सेवा प्रवाह सुधार
नवनियुक्त ऊर्जा, जलस्रोत तथा सिँचाइमन्त्री विराजभक्त श्रेष्ठले ऊर्जा क्षेत्रको दिगो विकासका लागि आफूले सेवा प्रवाह र नीतिगत सुधारलाई विशेष प्राथमिकतामा राख्ने बताउनुभएको छ । शुक्रबार मन्त्रीको पद तथा गोपनीयताको शपथपछि पदभार ग्रहणका क्रममा उहाँले यस्तो बताउनुभएको हो ।
कृषिका प्राथमिकताका आधारमा काम गरिने
नवनियुक्त कृषि तथा पशुपन्छी विकासमन्त्री गीता चौधरीले प्राथमिकताका आधारमा दीर्घकालीन योजना बनाएर अगाडि बढ्ने बताउनुभएको छ । शुक्रबार पदभार ग्रहणका क्रममा कर्मचारीलाई सम्बोधन गर्दै मन्त्री चौधरीले यस पटकको सरकार अरू सरकारभन्दा फरक भएकाले सोही अनुसार काम गर्ने बताउनुभयो । “हामीलाई जनताले पाँच वर्षको म्यान्डेट दिएका छन्,” उहाँले भन्नुभयो, “दीर्घकालीन योजना कसरी बनाउने र कसरी काम गर्ने भन्ने कुरामा छलफल गरेर अघि बढ्ने छौँ ।”
पर्यटकीय राजधानीबाट पर्यटनमन्त्री
नवनियुक्त संस्कृति, पर्यटन तथा नागरिक उड्डयनमन्त्री खड्कराज पौडेलले पदभार ग्रहण गर्नुभएको छ । शुक्रबार मन्त्रालय पुगेर उहाँले पदभार ग्रहण गर्नुभएको हो । पदभार ग्रहण गर्नुअघि मन्त्री पौडेलले शीतल निवासमा आयोजित समारोहमा पद तथा गोपनीयताको शपथ लिनुभएको थियो ।
पूर्वप्रधानमन्त्री ओली पक्राउ
नेकपा (एमाले)का अध्यक्ष एवम् पूर्वप्रधानमन्त्री केपी शर्मा ओली उहाँको निवासबाटै पक्राउ पर्नुभएको छ ।
अन्तर्राष्ट्रिय समुदायद्वारा बधाई
प्रधानमन्त्री बालेन्द्र शाहलाई नेपालको नयाँ प्रधानमन्त्री नियुक्त हुनुभएकोमा छिमेकी मुलुक भारतका प्रधानमन्त्री नरेन्द्र दामोदर मोदीले बधाई दिनुभएको छ । नेपालको प्रधानमन्त्रीका रूपमा शाहले शपथग्रहण गर्नुभएसँगै उहाँले सफल कार्यकालको हार्दिक बधाई तथा शुभकामना दिनुभएको हो । सामाजिक सञ्जालमार्फत भारतका प्रधानमन्त्री मोदीले भन्नुभएको छ, “तपाईंको नियुक्तिले नेपाली जनताले तपाईंको नेतृत्वमा देखाएको विश्वासलाई प्रतिविम्बित गर्दछ ।”
कुन विदेशी मुद्रा कतिमा कारोबार हुँदैछ आज ?
नेपाल राष्ट्र बैंकले शनिबारका लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलरको मूल्य उच्च बिन्दुमा पुगेको छ ।
हिमाल र पहाडमा मध्यम वर्षासहित हिमपातको सम्भावना
हाल नेपालमा पश्चिमी न्यून चापीय प्रणालीका साथै स्थानीय वायूको प्रभाव रहेको छ । देशभर अधिकांश बादल लागेको छ ।
पूर्वगृहमन्त्री लेखक कटुञ्जेबाट पक्राउ
पूर्वगृहमन्त्री तथा नेपाली कांग्रेसका नेता रमेश लेखकलाई प्रहरीले आज बिहान निवासबाटै पक्राउ गरेको छ । सूर्यविनायक नगरपालिका–५ कटुञ्जेस्थित भाडाको घरमा बस्दै आउनुभएका लेखकलाई आज बिहानै प्रहरीले पक्राउ गरेको जिल्ला प्रहरी परिसर भक्तपुरका प्रमुख एवं प्रहरी उपरीक्षक सूर्यबहादर खड्काले जानकारी दिनुभयो । काठमाडौँ उपत्यका अपराध अनुसन्धान कार्यालयको टोलीले उहाँलाई पक्राउ गरी काठमाडौँ लगेको छ ।
प्रशासनलाई जनउत्तरदायी बनाउने प्रतिबद्धता
राष्ट्रिय स्वतन्त्र पार्टी (रास्वपा) ले निजामती प्रशासनभित्रका कुनै पनि प्रकारका समूह, अभियान वा युनियन शैलीका संयन्त्रसँग पार्टीको कुनै सम्बन्ध नरहेको स्पष्ट गरेको छ । रास्वपाले सार्वजनिक प्रशासनलाई राजनीतिक हस्तक्षेपमुक्त, व्यावसायिक र जनउत्तरदायी बनाउने आफ्नो मूल नीतिप्रति प्रतिबद्धता जनाएको छ । केही दिनअघिदेखि खास गरी निजामती प्रशासनभित्र विभिन्न नाममा समूह वा अभियान सञ्चालन गर्दै पार्टी र नेतृत्वको नाम जोडेर भ्रम सिर्जना गर्ने प्रयास भइरहेकोप्रति रास्वपाको गम्भीर ध्यानाकर्षण भएको उल्लेख गर्दै रास्वपाले उक्त क्रियाकलापसँग आफ्नो कुनै आबद्धता, समर्थन वा संलग्नता नरहेको विज्ञप्तिमार्फत स्पष्ट पारेको छ ।
‘देशमै गरिखाने वातावरण बनोस्’
नवनियुक्त प्रधानमन्त्री बालेन्द्र शाह (बालेन) को सरकारप्रति नागरिकका आशा, भरोसा र असीमित अपेक्षा छन् । जेनजी आन्दोलनमा उठेका सुशासन कायम गर्ने, भ्रष्टाचार न्यूनीकरण गर्नेसहितका मुद्दासँगै रोजगारी सिर्जना, स्वदेशमै गुणस्तरीय र सर्वसुलभ शिक्षा र स्वास्थ्यसेवाको पहुँच हुने अपेक्षा नागरिकले व्यक्त गरेका छन् । सरकारमाथि महत्वपूर्ण सुधारका काम गर्ने अवसर छ । साथै जनचाहना तत्कालै सम्बोधन गर्ने अभिभारा पनि सरकारमाथि छ । प्रधानमन्त्री शाहले पदभार गरेपछि
