लोकेन्द्र जोशी
दार्चुला, कात्तिक १३ गते । दार्चुलाको गोकुलेश्वर पुलबाट हाम फालेर एक पुरूष चमेलिया नदीमा बेपत्ता भएका छन् । शैल्यशिखर नगरपालिका –९ गोकुलेश्वरस्थित पुलबाट हाम फालेर पुरूष बेपत्ता भएको स्थानीय कालु चन्दले जानकारी दिनुभयो ।
पुलबाट हाम फालेर चमेलियामा बगेका पुरूषको पहिचान खुल्न बाँकी छ । अवस्था अज्ञात रहेको इलाका प्रहरी कार्यालय दार्चुलाका प्रमुख एबं प्रहरी निरीक्षक मानसिंह ऐरीले जानकारी दिनुभयो ।
बेपत्ता पुरुषको हाम फालेको ठाउँमा झोला र कोट फेला परेको र खोजीकाम भइरहेको उहाँले बताउनुभयो । घटनाको विषयमा अनुसन्धान भइरहेको जिल्ला प्रहरी कार्यालय दार्चुलाले जनाएको छ ।
