.jpg)
केदार तिमल्सिना
काभ्रेपलाञ्चोक, कात्तिक १२ गते । काभ्रेपलाञ्चोकको बेथानचोक गाउँपालिका–१ निगालेमा बोलेरो दुर्घटना हुँदा पूर्व सांसद तथा नेकपा (एमाले) का केन्द्रीय सदस्य नबिना लामासहित ११ जना घाइते हुनुभएको छ ।
एमाले खानीखोला गाउँ कमिटीको चियापान सकेर फर्कर्दैगरेको बा १४ च ७०७७ नम्बरको बोलेरो ब्रेक फेल भएर सडकमा दुर्घटना भएको प्रहरीले जनाएको छ । जिल्ला प्रहरी कार्यालय काभ्रेपलाञ्चोकका अनुसार दुर्घटनामा एमाले बागमती प्रदेश कमिटी उपसचिव भक्तकुमारी लामा, स्याङ्जा पुतलीबजार ५ की सिर्जना नेपाली उहाँको छोरा सुबम श्रेष्ठ, सुरज श्रेष्ठ, खानीखोला गाउँपालिका–५ की रचना मगर, उहाँकी छोरी इन्जिला सोडारी, दोलखा कालिन्चोक गाउँपालिका–३ की मिना श्रेष्ठ, सोही स्थानका गोविन्द श्रेष्ठ घाइते हुनुभएको छ ।
यस्तै, जिल्लाको खानीखोला गाउँपालिका–६ का दिपेन्द्र राना, जिल्लाकै बेथानचोक गाउँपालिका–१ बस्ने सिङताङ तामाङ घाइते हुनुभएको प्रहरीले जनाएको छ । दुर्घटनाका घाइतेको टाउको, हात, खुट्टामा चोट लागे पनि अवस्था मध्यम र सामान्य रहेको र घाइतेको धुलिखेल अस्पतालमा उपचार भइरहेको प्रहरीले जनाएको छ । उक्त बोलेरोमा १८ जना यात्रु सवार थिए ।
