प्रेमराज सिम्खडा
कालिकोट, कात्तिक ११ गते । कालिकोट सदरमुकाम मान्ममा एकै नम्बर प्लेट भएका दुई मोटरसाइकल सहित दुई जनालाई प्रहरीले पक्राउ गरेको छ ।
मोटरसाइकल सहित चालक दुई जनालाई पनि नियन्त्रणमा लिएर प्रहरी आज सार्वजनिक समेत गरेको छ । बजाज कम्पनीका कालोतारो रङका दुई वटा मोटरसाईक सँगै पार्किङ गरिराखिएको अवस्थामा प्रहरीले नियन्त्रणमा लिएको हो । जिल्ला प्रहरी कार्यालय कालिकोटका सूचना अधिकारी प्रहरी निरीक्षक यज्ञराज जोशीले बाग्मती प्रदेश ०२०३४प ३८३० नम्बरका मोटरसाइकलका चालक सान्नी त्रिवेणी गाउँपालिका वडा नं ५ बस्ने इलम बम र छत्र सुनारलाई नियन्त्रणमा लिएको उल्लेख छ ।
दुई वटै मोटरसाइकल खरिद गरी ल्याएको जनाएका छन् भने चोर पत्ता लगाउन प्रहरीले थप अनुसन्धान सुरु गरेको जनाएको छ ।
