तिला नदीमा एक युवा बेपत्ता

प्रेमराज सिम्खडा
कालीकोट, असोज ३० गते । कालीकोट जिल्लाको तिलागुफा नगरपालिका–९ का एक युवा तिलानदीमा बेपत्ता भएका छन् । दसैँ मनाउन घर जाने क्रममा भैंसीगौंडास्थित तिलानदीमा ढुङ्गाबाट चिप्लिएर बेपत्ता भएका हुन् ।

बेपत्ता हुनुहुनेमा वडा नम्बर ९ का वर्ष २२ का अर्जुन उपाध्याय रहनुभएको छ ।

भैंसीगौंडामा काठे पुल निर्माण भएको छ । पुल तरेर पारि गएका बेला नदीको पानी पिउने क्रममा ढुङ्गाबाट चिप्लिएर उपाध्याय बेपत्ता हुनुभएको हो । तिलागुफा नगरपालिका उपप्रमुख महेन्द्रबहादुर शाहीले वडा नं ९ का अर्जुन उपाध्याय बेपत्ता भएका र उहाँको खोजी जारी रहेको बताउनुभयो ।

उपप्रमुख शाहीले नेपालगन्ज अध्यायन गर्दै आउनुभएको उपाध्याय दसैँ मनाउन घर जाँदै हुनुहुन्थ्यो । तर जन्म घर चिल्खाया पुग्न नपाउँदै तिला नदीमा उपाध्याय बेपत्ता हुनुभएको हो ।  प्रहरी र स्थानीहरुले अर्जुनको खोजी जारी राखे पनि अझै भेटिनुभएको छैन ।