प्रतीक इच्छुक शर्मा
सल्यान, भदौ १७ गते । सल्यानमा आइतबार बिहान भएको बस दुर्घटनामा परी ६ जना घाइते भएका छन् । जिल्लाको बागचौर नगरपालिका १२ बाफुँखोलाबाट दाङ्ग तुलसीपुर जाँदै गरेको रा १ ख २५४१ नम्बरको बस बागचौर नगरपालिका ७ कोटबारा चौफारी नजिक दुर्घटना भएको हो ।
बस दुर्घटनामा परी बागचौर नगरपालिका ६ चिसापानीकी २५ वर्षीया रन्जना शाह, साेही वडा चौलाबोटका ६० वर्षीय गमबहादुर ओली, मालजुंगाकी २७ वर्षीया लीला खत्री ओली, कोटबारा बस्ने ६५ वर्षीया तिलसरा विक. र बागचौर नगरपालिका ११ रातामाटाका ६३ वर्षीय विक्रम ओली घाइते भएका हुन् ।
जिल्ला प्रहरी कार्यालय सल्यानका सूचना अधिकारी गोपाल श्रेष्ठले घाइते शाहको अवस्था भने गम्भीर रहेको र अन्य सामान्य रहेको बताउनुभयो । उहाँका अनुसार घाइते सबैको बागचौरस्थित जनप्रिय पोलिक्लिनिक र सहज पोलिक्लिनिकमा उपचार भइरहेको छ ।
बसमा २६ जना यात्रु सवार रहेको अनुमान गरिएको छ । बस दुर्घटना हुनुको कारण खुल्न नसकेको र अनुसन्धान कार्य भइरहेको प्रहरीको भनाइ छ । चालकलाई नियन्त्रणमा लिएर थप अनुसन्धान अघि बढाएको प्रहरीले जनाएको छ ।
-square-thumb.jpg)
