द हेग, नेदरल्यान्ड्स, असार २५ गते । नेदरल्यान्ड्सका प्रधानमन्त्री मार्क रुटले अर्को निर्वाचनपछि राजनीतिबाट संन्यास लिने घोषणा गर्नुभएको छ । “आइतबार मैले आगामी चुनावमा पिपुल्स पार्टी फर फ्रिडम एन्ड डेमोक्रेसी (भीभीडी) का लागि नेताको रूपमा उपलब्ध नहुने निर्णय गरेको छु,” रुटले सोमबार डच संसदलाई सम्बोधन गर्ने क्रममा भन्नुभयो ।
गत साताको अन्त्यमा उहाँको सरकार ढलेपछि रुटले आफूसँग अझै पनि ‘ऊर्जा र विचार’ रहेको बताउनुभएको थियो । सोमबार उहाँले पिपुल्स पार्टी फर फ्रिडम एन्ड डेमोक्रेसी (भीभीडी) को नेताको रूपमा आफ्नो १७ वर्षको कार्यकाल अन्त्य गर्ने निर्णय गर्नुभएको हो ।
सन् २०१० देखि चार वटा गठबन्धन सरकारको नेतृत्व गरिसकेका रूटले आप्रवासन नीतिका कारण गठबन्धन भत्किएपछि आगामी नोभेम्बरमा हुने निर्वाचनपछि आफू पदबाट हट्ने बताउनुभएको हो ।
“म केही व्यक्तिगत कुरा भन्न चाहन्छु । मलाई कुन कुराले उत्प्रेरित गर्छ भन्ने बारेमा पछिल्ला केही दिनयता अड्कलबाजी भइरहेको छ । यसको एउटै मात्र जवाफ नेदरल्यान्ड्स हो,” रूटले संसदमा भन्नुभयो ।
“हिजो बिहान अब मध्य–दक्षिणपन्थी पार्टी भीभीडीको लागि सूचीको नयाँ प्रमुख हुन योग्य छैन भन्ने मैले निर्णय गरेँ । “निर्वाचनपछि नयाँ सरकारले शपथ लिएपछि म राजनीति छोड्नेछु ।”
हंगेरीका भिक्टर ओर्बानपछि युरोपको दोस्रो लामो समयसम्म सत्तामा रहेका रुटले भीभीडीको लागि सूचीको नयाँ प्रमुख हुन योग्य नभएको कुरा आफ्नो व्यक्तिगत मूल्याङ्कन भएको बताउनुभएको छ ।
रुट्टेले शुक्रबार एक पत्रकार सम्मेलनमा आफूसँग पाँचौँ कार्यकालका लागि उम्मेदवारी दिने ‘ऊर्जा’ रहेको बताउनुभएको थियो । साथै, उहाँले यस विषयमा आफूले सोच्ने बताउनुभएको थियो । सोमबार भने उहाँले एक्कासि राजनीतिबाट अलग रहने आश्चर्यजनक निर्णय सुनाउनुभएको हो ।
सन् २०१० देखि नेदरल्याण्ड्सको नेतृत्व गर्दै आएका रुट देशको इतिहासमा सबैभन्दा लामो समयसम्म प्रधानमन्त्री बन्नुभएको छ ।
सत्तामा उहाँको १३ वर्षको कार्यकालले राजनीतिक सङ्कटको माध्यमबाट सत्तामा उनको क्षमताको लागि उहाँलाई ‘टेफ्लोन मार्क’ उपनाम दिएको छ । बाल हेरचाह अनुदानमा घोटाला भएको एक काण्डका कारण सन् २०२१ जनवरीमा उहाँले प्रधानमन्त्रीबाट राजीनामा दिनुपरेको थियो । दुई महिना पछि मात्र सत्तामा फर्कनको लागी उहाँको भीभीडी पार्टीले निर्वाचनमा प्रथम भएपछि छोटो समयमा नै उहाँ सत्तामा फर्किनुभएको थियो ।
नयाँ शरणार्थी नीतिमा सत्तारुढ दलबीच सहमति हुन नसकेपछि शुक्रबार साँझ उहाँको गठबन्धन सरकार ढलेको हो ।
रुटको भीभीडी पार्टीले युद्ध क्षेत्रबाट भागेर आएका शरणार्थीहरूका लागि पारिवारिक पुनर्मिलनलाई सीमित गर्न चाहेको थियो तर चार दलीय गठबन्धनको सबैभन्दा सानो सदस्य क्रिस्टेनयुनीको क्रिष्टियन डेमोक्रेटिक पार्टी र मध्य वामपन्थी डेमोक्रेसी–६६ ले उहाँको धारणालाई समर्थन नगरेपछि गठबन्धन भाँडिएको हो । रासस/एएफपी
