नारायणगढ–मुग्लिन सडक : पहिरो सफा गर्न समय लाग्ने

चितवन, असार   १७ गते । नारायणगढ–मुग्लिन सडक खण्डमा खसेको पहिरो पन्छाउन अझै समय लाग्ने भएको छ । इच्छाकामना गाउँपालिका–५ तीन नम्बर पुलमा गए राति पहिरो खसेको हो । 

डिभिजन सडक कार्यालय चितवनका प्रमुख रमेशकुमार पौडेलले थप पहिरो नखसे केही घण्टापछि सडक खुलाउन सकिने बताउनुभयो । पहिरोको एउटा ढिस्को नै झरेकाले पन्छाउन समय लागेको उहाँको भनाइ छ ।  अर्को ढिस्को पनि खस्ने अवस्थामा छ, पौडेलले भन्नुभयो । 

सो स्थानमा बिहानैदेखि पहिरो पन्छाउने काम भइरहेको छ । छिनछिनमा पहिराे खस्दा यातायात अवरुद्ध हुँदैआएको छ । रासस