काठमाडौं, असार ११ गते । चीनको होङझावमा हुने १९ औँ एसियाली खेलकुदमा सहभागी हुने रग्बी पुरुष टोलीको आइतबार घोषणा गरिएको छ ।
त्रिपुरेश्वरस्थित दशरथ रङ्गशालामा भएको छनोट प्रतियोगिताबाट अन्तिम १२ खेलाडी छनोट गरिएको नेपाल रग्बी सङ्घका महासचिव गोविन्द घिमिरेले जानकारी दिनुभयो
छनोट भएका खेलाडीहरूमा नवीन महर्जन, विराट श्रेष्ठ, पुजन फेवाली, यदु अधिकारी, निरोज कार्की, सविन महत, झुकेन्द्र राई, विक्रम पुरी, विशाल बडु, विवेश बासु , सुमन चौलागाईं र श्रीराम श्रेष्ठ हुनुहुन्छ ।
वैकल्पिक खेलाडीमा विक्रम भारती, विकास राना मगर र सुजन कुमाल हुनुहुन्छ । एसियाडमा नेपालले रग्बीमा पहिलो पटक सहभागिता जनाउन लागेको हो । एसियाड असोज ६ गतेदेखि सुरु हुँदैछ ।
