विष्णुप्रसाद पोखरेल
विष्णुप्रसाद पोखरेल
दमक, जेठ १८ गते । केही दिनयता अधिक गर्मी बढेपछि झापाको दमकस्थित सामुदायिक तथा निजी विद्यालयहरू २ दिन सार्वजनिक बिदा दिइएको छ । दमक नगरपालिकाले विद्यालयहरूलाई परिपत्र गर्दै बिहीबार र शुक्रवार सार्वजनिक बिदा दिन निर्देशन गरेको हो ।
शैक्षिक सत्र २०८० को बर्से बिदाबाट काटिने गरी बिदा दिइएको दमक नगरपालिका शिक्षा अधिकृत प्रवीण खड्काले बताउनु भयो । गर्मीका कारण विद्यार्थीहरुलाई समस्या आउन सक्ने भएकाले बिदा दिइएको हो, खड्काले भन्नुभयो । गर्मी बढेसँगै विद्यालयहरूले विद्यार्थीलाई लाइन लगाउने काम भने रोकेका थिए ।
यसै गरी झापाको कचनकवल गाउँपालिकाले बिहीबार देखि २२ गतेसम्म पाँच दिनका लागि विद्यालय बन्द गरिएको जानकारी दिएको छ । कचनकवल गाउँपालिकाले सामुदायिक विद्यालयहरुमात्र बन्दको सूचना निकालेको छ ।
विष्णुप्रसाद पोखरेल
