अमरराज नहर्की
तनहुँ, वैशाख १० गते । आज यहाँ हुने उपनिर्वाचनमा ११३ वर्षिय महिलाले मतदान गर्नुहुने भएको छ । भानु नगरपालिका–५ सेपावगैचाकी गोपीमाया पोख्रेलले मतदान गर्नु हुने भएको हो ।
गोपीमायाले सोही ठाउँ स्थित महादेवता आधारभूत विद्यालयको ‘क’ केन्द्रमा पुगेर मतदान गर्दै हुनुहुन्छ । मतदान सबैभन्दा महत्वपूर्णदान भएकोले भोट हाल्न जान्छु भनेको उहाँको नाती भरत पोख्रेलले बताउनुभयो ।
एक भोटले पनि हार र जीत हुने भएकोले मतदानको ठुलो महत्व हुने हुँदा आफूले चाहेको उम्मेदवारलाई भोट दिन हजुरआमाले चाहेको पोख्रेललेबताउनुभयो । उहाँको जन्म वि.स. १९६६ भदौ ६ गते भएको नागरिकतामा उल्लेख छ । घरदैलोको क्रममा अधिकांश उम्मेदवारहरु हजुर आमासँग भोट माग्न र आर्शिवाद लिन आएको पोख्रेलले जानकारी दिनुभयो ।
