एपीएफ सेमिफाइनलमा

काठमाडौं, चैत ३० गते । विभागीय टोली नेपाल एपीएफ क्लब प्रथम पोष्टबहादुर बोगटी स्मृति कप राष्ट्रिय पुरुष भलिबल प्रतियोगितामाको सेमिफाइनलमा प्रवेश गरेको छ ।

त्रिपुरेश्वरस्थित राष्ट्रिय खेलकुद परिषद्को कभर्डहलमा बिहीबार भएको लिगको अन्तिम खेलमा एपीएफले सुदूरपश्चिम प्रदेशलाई २३–२५, २५–१८, २५–१२, २५–२१ को सेटमा हरायो । 

प्रतियोगितामा एपीएफसहित तीन विभागीय टोली सहभागी भएकोमा नेपाल आर्मी र नेपाल प्रहरीले सेमिफाइनलमा स्थान सुरक्षित गरिसकेका छन् । गण्डकी प्रदेश पनि सेमिफाइनलमा पुगिसकेको छ ।

सेमिफाइनलमा एपीएफको भेट आर्मीसँग हुनेछ । दोश्रो सेमिफाइनल नेपाल पुलिस र गण्डकीबीच हुनेछ । सेमिफाइनल खेल शुक्रबार हुनेछ ।