अमरराज नहर्की
तनहुँ, माघ १८ गते । तनहुँका एक युवक ११ दिनदेखि बेपत्ता भएका छन् । म्याग्दे गाँउपालिका–४ घुम्ती निवासी २४ वर्षीय सुमन श्रेष्ठ ११ दिनदेखि बेपत्ता हुनुभएको हो ।
बुबा रामप्रसादले श्रेष्ठले सधैँजसो दमौली गएर आउने गरेका छोरा माघ ९ गतेदेखि नआएको जानकारी दिनुभयो । बुबा रामप्रसादले बेपत्ता छोरालाई काठमाडौं, चितवनलगायतका स्थानमा खोजी गर्दा पनि फेला नपरेको बताउनुभयो ।
बेपत्ता सुमन सुस्त मनस्थितिको रहेको परिवारले जनाएको छ । छोरा खोजीका लागि प्रहरी कार्यलयमा जाहेरी दिए पनि कुनै खबर नआएको सुमनकी आमा उमादेवी श्रेष्ठले बताउनुभयो ।
