काठमाडौँ, पुस ९ गते । राष्ट्रिय प्रजातन्त्र पार्टी र राप्रपा, नेपालबिच पार्टी एकताको निर्णय भएको छ ।
राप्रपा, नेपालका अध्यक्ष कमल थापाले राष्ट्रिय प्रजातन्त्र पार्टीका अध्यक्ष राजेन्द्र लिङदेनसँगको फोटो सामाजिक सञ्जालमा राख्दै पार्टी एकताको निर्णय भएको जानकारी गराउनुभएको हो ।
कमल थापाले भनेका छन्, ‘राष्ट्रिय प्रजातन्त्र पार्टी र राप्रपा नेपालको बीचमा एकता हुने निर्णय भएको सुखद समाचार सबैमा निवेदन गर्दछु।’
महाधिवेशनमा लिङ्देनसँग पराजित भएपछि थापाले ०७८ माघ २५ गते पार्टी छोड्नुभएको थियो ।
