रेखीराम राना
पाल्पा, माघ १६ गते । पाल्पामा दुई जना युवाको मृत्यु भएको छ । दुर्घटना परेर एक जना र खोलामा डुबेर अर्का एक युवाको मृत्यु भएको जिल्ला प्रहरी कार्यालय पाल्पाले जनाएको छ ।
आइतबार साँझ पाल्पाको रामपुर–५, कान्जीहाउस नजिकै पक्की सडकमा लु १८ प ४९७० नम्बरको मोटरसाइकल दुर्घटना हुँदा रामपुरका २१ वर्षीय प्रदीप नेपालीको मृत्यु भएको छ । दुर्घटनामा परी गम्भीर घाइते हुनुभएका नेपालीको उपचारको क्रममा रामपुर अस्पतालमा गए राति मृत्यु भएको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।
यस्तै तिनाउ–३, भुतखोला पोखरीमा डुबेर एक जना युवकको ज्यान गएको छ । भुतखोला पोखरीमा फोटो खिच्ने क्रममा चिप्लिएर पोखरीमा खस्दा पश्चिम नवलपरासी जिल्ला, पुल्लिनन्दन गाउँपालिका–२, बस्ने २३ वर्षका अजिम पठानको मृत्यु भएको हो ।
-square-thumb.jpg)
-original-thumb.jpg)
