रवीन्द्र उप्रेती
बर्दिबास, पुस १९ गते । जाडोबाट प्रभावित परिवारको सहयोगका लागि बर्दिबासका युवाले अहिले ‘न्यानो अभियान’ सुरु गरेका छन् ।
स्थानीय ४० जना युवाको सहभागितामा ‘सबैका लागि हामी’ अभियान अन्तर्गत नगर क्षेत्रका विपन्न परिवारलाई न्यानो कपडा वितरण गरिएको हो । अभियानमा सहभागी युवा जिसव सिंहकाअनुसार बर्दिबास नगरका १४ वडामध्ये अहिलेसम्म १२ वडाका ११७ परिवारलाई न्यानो कपडा वितरण गरेको छ ।
वितरणका लागि न्यानो कपडा खरिदमा ३ लाखबढी रकम खर्च भएको अभियानकर्ताले जनाएका छन् । यो रकम स्थानीय व्यापारी तथा अभियानकर्ता युवाबाट सङ्कलन गरिएको हो ।
यसैबीच, तीनदेखि सुरु भएको चिसोका कारण बिरामी थपिँदै गएको बर्दिबास अस्पतालले जनाएको छ ।
बर्दिबास अस्पतालकी डा. कृष्णा महर्जनकाअनुसार अहिले बच्चा तथा ज्येष्ठ नागरिकमा दम, निमोनिया, रुघाखोकी लागेको छ ।
-original-thumb.jpg)
