इतिहास रच्दै ‘महापुरुष’

काठमाडौँ, कात्तिक २७ गते। प्रदर्शनको तेस्रो सातामा पनि चलचित्र ‘महापुरुष’ हाउसफुल भइरहेको छ। शुक्रबारसमेत दर्शकको साथ पाएको चलचित्र शनिबार काठमाडौँ उपत्यकामा रहेका सो हाउसफुल छन्। प्रदर्शनको दुई सातामा सात करोड चार लाख ग्रस कलेक्सन गरेको चलचित्र नेपालसँगै अमेरिकामा समेत इतिहास बनाउने दौडमा छ। 

चलचित्रलाई अमेरिकामा नेपाल इलाभेन इन्टरटेन्मेन्ट एलएलसीले प्रदर्शन गरिरहेको छ। डलासबाट सुरु भएको चलचित्रले रेगुलर सोमै दर्शक पाइरहेको नेपाल इलाभेन इन्टरटेन्मेन्ट एलएलसीका प्रतीक सुवेदीले जानकारी दिनुभयो। “विदेशी चलचित्र प्रदर्शन हुने शैलीमै पहिलो पटक अमेरिकामा नेपाली चलचित्र प्रदर्शन भइरहेको छ। यसले भरिभराउ दर्शक पाइरहेको छ। चलचित्र धेरै सहरमा लाग्न बाँकी नै छ,” अमेरिका वितरक सुवेदीले भन्नुभयो, “यसले अमेरिकामा प्रदर्शन भएको अहिलेसम्मको नेपाली चलचित्रमा इतिहास बनाउँदैछ। चलचित्र हेर्न युवा, वृद्धवृद्धासँगै विदेशी दर्शकसमेत आएका छन्।’