काठमाडौं, असोज ७ गते । लोकतान्त्रिक समाजवादी पार्टी (लोसपा)ले नेकपा (एमाले)लगायतका बिचार मिल्ने दलसँग चुनावी सहकार्य गर्न समिति बनाएको छ ।
पार्टी अध्यक्ष महन्थ ठाकुरले वरिष्ठ नेता राजेन्द्र महतोको संयोजकत्वमा ६ सदस्यीय समिति बनाउनुभएको हो । समितिमा नेता शरदसिंह भण्डारी, अनिलकुमार झा, सवेन्द्र शुक्ला, लक्ष्मण लाल कर्ण र जितेन्द्र सोनल हुनुहुन्छ ।
मङ्सिर ४ मा हुने प्रतिनिधिसभा र प्रदेशसभा सदस्य निर्वाचनमा ‘‘पहिलो हुने निर्वाचित हुने निर्वाचन प्रणाली तर्फ’’ नेकपा एमालेलगायतका अन्य बिचार मिल्ने पार्टीसँग सहकार्य गर्न समिति गठन गरिएको अध्यक्ष ठाकुरद्वारा जारी विज्ञप्तिमा उल्लेख छ ।
