दुःख पर्दा ताली पिट्ने
सुख पाउँदा छाती पिट्ने
देख्दा देख्दै जान्दा जान्दै
आफन्त नै भन्नु पर्ने ।
यता चिप्लो उता चिप्लो
लड्नु सबको नियति हो
लड्दा खेरी उठाउने
खोजी त हुने नै भो ।
यस्तो बेला साथ छोड्ने
समाएको हात छोड्ने
देख्दा देख्दै जान्दा जान्दै
आफन्त नै भन्नु पर्ने ।
उकालीमा तानिदिने
ओरालीमा लौरो बन्ने
सबले खोज्ने यस्तै नै हो
सबले रोज्ने यस्तै नै हो ।
रोग लाग्दा खुसी हुने
ठीक हुँदा दुःखी हुने
देख्दा देख्दै जान्दा जान्दै
आफन्त नै भन्नु पर्ने ।
-original-thumb.jpg)
