छोएर कहाँ अनुभूत हुन्छिन्
र आमा,
झर्केर आफू, कहाँ झर्किन्छिन्
र आमा ?
अथाह त्यो गहिराइ न हो ?
गम्भीर त्यो सागर तल न हो ?
तिमीलाई दिने माया र
वात्सल्यको पहाड हो
नि आमा,
जति पोखिए पनि
छरिन्छिन् अनवरत आमा
परिवारकै प्रेरणाको टाकुरो हो
नि आमा,
त्यागको सगरमाथा विलयन
उचाइ हो
नि आमा,
झर्केर आफू, कहाँ झर्किन्छिन्
र आमा,
छोएर कहाँ अनुभूत हुन्छिन्
र आमा,
पीडा– दुस्वप्न सबै बहाइदिन्छिन् भँगालोमा
आमा ।
सिङ्गो जुनी तिमीलाई बाँधिदिन्छिन् अँगालोमा
आमा ।
