साहारा लिम्बू
फुङलिङ, भदौ १५ गते । ताप्लेजुङको फक्ताङ्लुङ गाउँपालिकामा करेन्ट लागेर एक जनाको मृत्यु भएको छ । फक्ताङ्लुङ गाउँपालिका वडा ५ का ३० वर्षीय सन्तोष राईको मृत्यु भएको हो ।
राईलाई पुल निर्माणको क्रममा करेन्ट लागेको सूचना अधिकारी तथा प्रहरी निरीक्षक विवेक बस्नेतले जानकारी दिनुभएको छ । उहाँका अनुसार राईले आइतबार साँझ ४ बजे फक्ताङ्लुङ –५ को तक्मेवा खोलाको निर्माणधीन पुलमा ग्रेन्डर चलाउँदा करेन्ट लागेको थियो ।
करेन्ट लागेर घाइते हुनुभएको राईलाई उपचारका लागि आधारभुत अस्पताल तापेथोक ल्याइएको थियो । उहाँलाई अस्पतालले मृत घोषणा गरेको प्रहरीको भनाई छ ।
