गोरखापत्र अनलाइन
काठमाडौं, जेठ २९ गते । भक्तपुरको बोडेस्थित निर्माणाधिन टहरामा एक पुरुषको शव फेला परेको छ ।
भक्तपुरको मध्यपुरथिमी नगरपालिका-८ बोडेस्थित निर्माणाधिन टहरामा ५१ वर्षीय कल्याण साहुको शव फेला परेको हो ।
रगताम्य अवस्थामा शव फेला परेको महानगरीय प्रहरी परिसर भक्तपुरका सूचना अधिकारी राजु पाण्डेले बताउनुभयो । उहाँका अनुसार प्रहरीले घटनाको प्रारम्भिक अनुसन्धान गर्दा उक्त शव भक्तपुरको मध्यपुर थिमी नगरपालिका-८ बस्ने ५१ वर्षीय कल्याण साहुको रहेको खुलेको हो ।
साहुलाई कर्तव्य गरी मारिएको आशंकामा केही व्यक्तिलाई पक्राउ गरी प्रहरी वृत्त थिमीले अनुसन्धान गरिरहेको छ । प्रारम्भिक अनुसन्धान पुरा गरी शव पोष्टमार्टमका लागि के.एम.सी.अस्पताल दुवाकोटमा राखिएको छ ।
