गोरखापत्र समाचारदाता
काठमाडौं, पुस १९ गते । लोकप्रिय गायक युवराज चौलागाईंको नयाँ गीत ‘शिरफुले माया’ सार्वजनिक भएको छ । लोक आधुनिक शैलीमा तयार गीतले प्रेमकथा व्यक्त गर्छ । राजकुमार बगरको शब्द, सङ्गीत रहेको गीतमा युवराजलाई गायिका अनुष्का पाठकले स्वरमा साथ दिनुभएको छ । गीतको एरेन्ज कमल सौरागले गर्नुभएको छ ।
सान थापा निर्देशित गीतको भिडियोमा युवराजसहित प्रभात पल ठकुरी, विजय पुन, अञ्जली अधिकारी, सुशील थापा र अनुष्काको अभिनय छ । भिडियोमा राजीव समरको नृत्य निर्देशन छ । बुद्ध थापाको छायाङ्कन, विवेक सुनुवारको सम्पादन रहेको भिडियोको कलर सुप्रिम पराजुलीले गर्नुभएको हो । लोक र आधुनिक शैलीमा आफूले पहिलो पटक गीत गाएको गायक चौलागाईंले बताउनुभयो । चौलागाईं आधुनिक र पाश्र्व गायनबाट बढी चिनिनु हुन्छ । ‘शिरफुले माया’ ले लोक र आधुनिकमा पनि चिनाउने उहाँको विश्वास छ । उहाँकै युट्युब च्यानलबाट गीत सार्वजनिक गरिएको हो ।
