भावना जोशी
अत्तरिया, मङ्सिर १५ गते । लागू औषध खैरो हेरोइन सहित कैलाली प्रहरीले छ जनालाई पक्राउ गरेको छ । जिल्लाको विभिन्न स्थानबाट उनीहरूलाई पक्राउ गरिएको हो ।
पक्राउ पर्नेमा धनगढी उपमहानगरपालिका–१३ का २३ वर्षीय प्रबिन्द राना लागु औषध सहित पक्राउ परेका हुन् । उनलाई गोदावरी नगरपालिका–५ गेटाबाट १ ग्राम ३१० मिलिग्राम लागु औषध (हेरोइन) सहित प्रहरीले पक्राउ गरेको जिल्ला प्रहरी कार्यालय कैलालीले जानकारी दिएको छ ।
यस्तै टिकापुर न.पा. ९ खक्रोला स्थित सडक खण्डबाट शङ्कास्पद रूपमा हिँडिरहेको अवस्थामा चेकजाँच गर्दा २० वर्षीय दीपक विश्वकर्मा, १८ वर्षका अभिषेक विश्वकर्मा ७८० मिलिग्राम , विशाल शाहीलाई ४ ग्राम ६१० मिली ग्राम लागू औषध खैरो हेरोइन जस्तो देखिने धुलो पदार्थ सहित पक्राउ गरिएको जिल्ला प्रहरी कार्यालय कैलालीले जनाएकाे छ ।
प्रहरीको चेक जाँचकै क्रममा लम्की–चुहा नगरपालिका वडा नं. ०४ स्थित बलियामा ला.औ.(ट्याब्लेट) सहित वर्ष २० को खेमराज जैसी र वर्ष २२ को धिरज चौधरीलाई पक्राउ गरेको हो । उनीहरू बाटोमा हिँडडुल गरिरहेको अवस्थामा खानतलासी गदा दुवै जनाको साथबाट ८० वटा ट्रामाडोल, २० वटा स्पास मिड र १६ वटा अभिल फेलापारी दुवै जनालाई पक्राउ गरी थप अनुसन्धान कार्य भइरहेको र पक्राउ परेका छ जनामाथि कारबाही प्रक्रिया अगाडि बढाइएको जनाएको छ ।
