राजनीतिमा नयाँ पुस्ता आवश्यक : महासचिव पोखरेल

गोकर्ण पौडेल

तुलसिपुर, मङ्सिर ३ गते । नेकपा (एमाले) का महासचिव शङ्कर पोखरेलले पार्टीमा नयाँ पुस्तालाई आकर्षण गर्नुपर्ने बताउनुभएको छ । एमाले क्षेत्र नम्बर २ क्षेत्रीय समन्वय कमिटीले आयोजना गरेको अगुवा कार्यकर्ता भेलालाई सम्बोधन गर्दै महासचिव पोखरेलले युवा पुस्तामाझ पार्टी काममार्फत जोड्न निर्देशन दिनुभयो ।

महासचिव पोखरेलले पार्टी केन्द्र निर्देशनबमोजिम वडा तहसम्म नै समग्र क्षेत्रको विकासको योजना तयार पार्नुपर्ने बताउनुभयो । उहाँले युवा र महिलालाई पहिलो प्राथमिकता क्रममा राखेर पार्टीका गतिविधि, योजना तयार पार्न निर्देशन दिनुभयो । क्षेत्रीय समन्वय समितिका अध्यक्ष सुदन केसीको अध्यक्षतामा सम्पन्न अगुवा कार्यकर्ता भेलामा महासचिव पोखरेलले नयाँ सिर्जनात्मक काममा लाग्नसमेत अगुवा कार्यकर्तालाई निर्देशन दिनुभयो ।