काठमाडौँ, कात्तिक २८ गते । भारतको दार्जिलिङमा रहेको सावाली प्रकाशनले साहित्यकार सूर्य लाकोजूलाई भारत–नेपाल हस्ताक्षर सेतु सम्मानबाट सम्मानित गरेको छ ।
उहाँले नेपाली भाषा र साहित्यको उन्नयन, साहित्यिक सङ्गठन र साहित्यिक पत्रकारिताको माध्यमबाट पुर्याएको योगदानका लागि नगदसहित सम्मान प्रदान गरिएको हो ।
कार्यक्रमका प्रमुख अतिथि दिलकुमारी भण्डारी र सावली प्रकाशनका अध्यक्ष सुभद्रा बन्जनले संयुक्त रूपमा सम्मान प्रदान गर्नुभएको हो । लाकोजूले नेपाली साहित्यका विविध विधामा कलम चलाउँदै आउनुभएको छ । कविता, निबन्ध, हाइकु, नियात्रा, मुक्तक, अनुवाद विधामा कलम चलाउँदै आउनुभएका लाकोजूका करिब तीन दर्जनभन्दा बढी साहित्यिक कृति प्रकाशित छन् ।
