गुणबहादुर रोका
सुलीकोट, कात्तिक २६ गते । गोरखाको शहिदलखन गाउँपालिका–४ ठेउवाटारमा एक युवतीको शव फेला परेको छ । सोमबार बिहान साढे १० बजे शव फेला परेको जिल्ला प्रहरी कार्यालय गोरखाका प्रहरी नायब उपरीक्षक इन्द्रप्रसाद सुवेदीले जानकारी दिनुभयो ।
उहाँका अनुसार २० देखि २५ वर्षकी युवतीको ठेउवाटारस्थित त्रिशूली नदी किनारमा नामथर वतन नखुलेको युवतीको शव फेला परेको हो ।
जिल्ला प्रहरी कार्यालय गोरखाको टोली घटनास्थल गई मुचुल्कालगायत प्रारम्भिक अनुसन्धान पूरा गरी मृतककाे शव पोष्टमार्टका लागि गोरखा अस्पताल पठाइएको जिल्ला प्रहरी कार्यालय गोरखाले जनाएको छ ।
अहिले मृतक शवको सनाखतका लागि पत्राचार भइसकेको साथै उक्त घटनाका लागि थप अनुसन्धान भइरहेको जिल्ला प्रहरी कार्यालय गोरखाका प्रहरी नायब उपरीक्षक सुवेदीको भनाइ छ ।
