कीर्तिपुर, कात्तिक २० गते । नेकपा (माओवादी केन्द्र) कीर्तिपुर नगर कमिटीले कीर्तिपुर नगरपालिकाको उपनिर्वाचनमा नगरप्रमुख उम्मेदवार प्राडा शिवशरण महर्जनलाई सर्वसम्मत निर्णय गरेको छ ।
यस्तै सो पार्टीले कीर्तिपुर वडा १ अध्यक्ष उम्मेदवारमा अष्टमान महर्जन र वडा ४ अध्यक्ष उम्मेदवारमा इन्जिनियर नारायण विष्टलाई छनाेट गरेको जनाएको छ ।
माओवादी केन्द्रको बागमती प्रदेश इन्चार्ज अग्नि सापकोटाको प्रमुख अतिथिमा बैठक सम्पन्न भएको हो । कीर्तिपुर नगरपालिकाका प्रमुख राजकुमार नकर्मी, वडा नं १ का वडाध्यक्ष हीरालाल महर्जन र वडा नं ४ का श्यामकुमार अधिकारीको निधन भएपछि उक्त पदका लागि मङ्सिर १६ गते उपनिर्वाचन हुन लागेको हो ।
