काठमाडौँ, वैशाख १३ गते। प्रधान सेनापति प्रभुराम शर्मासँग फ्रान्सेली तथा अमेरिकी सेनाका उच्च अधिकारीबीच भेटवार्ता भएको छ।
नेपाली सेनाको मुख्यालय जङ्गी अड्डामा मङ्गलबार भएको छुट्टाछुट्टै भेटवार्तामा फ्रान्सेली सेनाका सहायक रथी जेवोफ्रोरी डे लारोउजीरेलगायत सैनिक अधिकारी तथा नेपालका लागि फ्रान्सका राजदूत जीलेस वोर्बाओ को समेत सहभाता रहेको थियो।
सैनिक जनसम्पर्क तथा सूचना निर्देशनालयका अनुसार भेटघाटले दुई पक्षीय तथा पारस्परिकहित तथा दुई देशका सेनाबीच रहँदै आएको आपसी सम्बन्धलाई थप सुमधुर एवं प्रगाढ बनाउन थप मद्दत पुग्ने विश्वास नेपाली सेनाले लिएको जनाएको छ।
प्रधान सेनापतिसँग मङ्गलबार अमेरिकी सेनाका यूटा नेशनल गार्डको एडजुटेन्ट जनरल मेजर जनरल माइकल जे टर्लीले समेत भेटवार्ता गर्नु भएको छ।
जङ्गी अड्डामा मंगलबार भएको भेटमा दुई पक्षीयहित तथा पारस्परिक सम्बन्धका विषयमा छलफल भएको थियो। भेटघाटले दुई देशका सेनाबीच रहँदै आएको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास लिएको सेनाले जनाएको छ।
Gorkhapatra...
