रुकुम पूर्वमा राप्रपाद्वारा गाउँपालिका र वडाअध्यक्षमा उम्मेदवारी दर्ता

राजु लामिछाने
रुकुम पूर्व, वैशाख १२ गते । राष्ट्रिय प्रजातन्त्र पार्टी (राप्रपा) ले रुकुम पूर्वको सिस्ने गाउँपालिकाको अध्यक्ष पदमा उम्मेदवारी दर्ता गराउनुभएको छ । 

सोमबार मुख्य निर्वाचन अधिकृतको कार्यालय, रुकुमकोटमा राप्रपा रुकुम पूर्वका अध्यक्ष समेत रहनुभएका सुधिर बिक्रम शाहले गाउँपालिका अध्यक्षका लागि मनोनयन दर्ता गराउनुभएको हो ।

राप्रपाका केन्द्रीय सदस्य केशवचन्द्र समाल (मदन शाह) का अनुसार जिल्लाका अन्य पालिका र वडाहरुमा मनोनयन दर्ताको तयारी भइरहेको छ । सिस्ने गाउँपालिका अध्यक्षको लागि पार्टीका जिल्ला अध्यक्ष शाहसहित वडा नम्बर ५ का वडा अध्यक्ष र सदस्यहरुले उम्मेदवारी दर्ता गराउनुभएको छ । 

वडा अध्यक्षमा अमरबहादुर शाही र सदस्यहरुमा ऋषिकेश शाह र माधव शाहीको मनोदयन दर्ता गराउनुभएको छ ।