रामेछाप प्रमुखमा श्रेष्ठ र उपप्रमुखमा कार्कीको उम्मेदवार

नवराज श्रेष्ठ
रामेछाप, वैशाख १२ गते । नेकपा (माओवादी केन्द्र) र नेकपा (एकीकृत समाजवादी)तर्फबाट रामेछाप नगरपालिकामा प्रमुख र उप्रपमुख पदमा उम्मेदवारी दर्ता गराएका छन् ।

माओवादीका तर्फबाट प्रमुखमा नरेशबाबु श्रेष्ठ र एकीकृत समाजवादीका तर्फबाट उपप्रमुखमा ढालविक्रम कार्कीले उम्मेदवारी दर्ता गराउनुभएको हो ।

रामेछाप नगरपालिकामा माओवादी र समाजवादीबीच प्रमुख र उपप्रमुख पदमा तालमेल गर्ने सहमति अनुसार श्रेष्ठ र कार्कीले उम्मेदवारी दर्ता गराउनुभएको हो ।

रामेछाप नगरपालिकामा नेकपा एमालेका उम्मेदवारले पनि मनोनयन दर्ता गराएका छन् । ९ वटा वडा रहेको यो नगरपालिकाको प्रमुखमा एमालेबाट रोशन पाख्रिन र उपप्रमुखमा सीता केसीले मनोनयन दर्ता गराउनुभएको हो ।