गोकर्ण पौडेल
तुलसीपुर, जेठ ५ गते । तुलसीपुर उपमहानगरपालिका-३ अम्बासका एक दम्पती मौरीको टोकाइबाट घाइते भएका छन् । ६२ वर्षीय सुपबहादुर दमाई र उहाँकी श्रीमती ६१ वर्षीय लिलावती दमाईलाई दमारगाउँ आफन्तको घरबाट आफ्नो घर जाने क्रममा दमारगाउँ अम्बास सडकखण्डको चन्द्रकान्त मोडमा मौरीले टोकेको हो ।
दुवै जनालाई सडकबाट उद्धार गरेर तुलसीपुर उपमहानगरपालिकाका नगरप्रमुख टीकाराम खड्काले राप्ती प्रादेशिक अस्पतालमा उपचारका लागि ल्याउनुभएको थियो । दुवैको अहिले राप्ती प्रादेशिक अस्पताल तुलसीपुरमा उपचार भइरहेको छ ।
