अविनाश चौधरी
धनगढी, जेठ ३ गते । सुदूरपश्चिम प्रदेशका मुख्यमन्त्री दीर्घबहादुर सोडारीले विरोधकाबिच विश्वासको मतका लागि प्रदेश सभामा प्रस्ताव पेस गर्नुभएको छ ।
नेपाली कांग्रेस र नागरिक उन्मुक्ति पार्टीका पाँच जना प्रदेशसभा सदस्यहरुले प्रदर्शन जारी राखेको बेला उहाँले सदनमा प्रस्ताव पेस गर्नु भएको हो ।
मुख्यमन्त्रीको नियुक्ति प्रक्रिया नै असंवैधानिक रहेको भन्दै दुवै पार्टीका प्रदेशसभा सदस्यहरुले प्रदेश सभामा विरोध जनाउनु भएको छ । अहिले मुख्यमन्त्रीको प्रस्तावको पक्ष र विपक्षमा मत विभाजन भइरहेको छ ।
