विष्णुप्रसाद पोखरेल
दमक, पुस २६ गते । आगो ताप्ने क्रममा जलेर घाइते बन्नुभएकी झापाकी एक वृद्धाको मङ्गलबार दिउँसो ज्यान गएको छ ।
झापाको कचनकवल गाउँपालिका वडा नं १ कुटी बस्ने वर्ष ७० कि हेमप्रभा माझीको ज्यान गएको हो ।
आइतबार बिहान घर बाहिर पराल बाली आगो ताप्ने क्रममा अचानक शरीरको विभिन्न भाग जली माझी घाइते बन्नुभएको थियो ।
घाइते माझीको उपचारको लागि प्रादेशिक अस्पताल भद्रपुर पठाइएकोमा उपचार सम्भव नभएर ज्यान गएको जिल्ला प्रहरी कार्यालय झापाले जानकारी दिएको छ ।
