दिन्छु तिमीलाई चोखो माया (कविता)

दिन्छु तिमीलाई चोखो माया सम्बन्धमा घात नहोस्

हावाहुरी चल्दाखेरि झरिजाने पात नहोस्

तिमीले मलाई साथ दिनू अप्ठ्यारोमा पर्दाखेरि

तिम्रो न्यानो काख देऊ आँउन सक्छ आँधीबेहरी

पूर्व लाली उमङ्गको जिन्दगीमा रात नहोस्

हावाहुरी चल्दाखेरि झरिजाने पात नहोस्

अघि बढ्नु तिमी सधैँ फूलैफूलको माला तिमीलाई

गैरीखेतमा झुलेका ती धानका बाला तिमीलाई

खुसी भई बाँच्नुपर्छ मन दुखाउने बात नहोस्

हावाहुरी चल्दाखेरि झरिजाने पात नहोस्

दिन्छु तिमीलाई चोखो माया सम्बन्धमा घात नहोस्

हावाहुरी चल्दाखेरि झरिजाने पात नहोस् । 

सामाखुसी