कलमको कुरा जान्नेहरू
मसिको कुरा गर्न
जान्दैनन् ।
मसीको कुरा जान्नेहरू
कलमा प्रवाहित हुन
सक्दैनन् ।
कलमलाई मसी
बुझ्नेहरू
मसीलाई कलम
बुझ्नेहरू
किन र कहाँ
झुक्किन्छन्
कसरी र कुन बेला चुक्छन्
मलाई थाहा छैन ।
म
कलम हुँ
जसले समात्यो
त्यसैसँग हुन्छु
जसले लेख्यो
त्यसैसँग हुन्छु
जसले माया ग¥यो
उसैसँग प्रवाहित र सुरक्षित हुन्छु ।
जसले आदर ग¥यो
उसैसँग नम्र बन्छु ।
मान्छे मेरो अपमान गर्ने
प्रयास गर्छ
मान्छेले नै मेरो खेदो खन्छ ।
मान्छेले नै मलाई
शिर चढाउँछ
र
पाउ पछार्छ ।
असल मान्छेको
विरोध गर्न मलाई
रत्तिभर आँट
आउँदैन ।
त्यसैले
आज भोलि
म
दुवैको असल साथी
बनेर आफू
जीवन्त बन्ने
प्रयास गरिरहेछु ।
रे.न.पा.– १४ पराल्मी, गुल्मी
