शून्यमा गुञ्जिएका आवाज !
आवाजमा बनेका यी रङ्गीन शब्दहरू
यिनै रङ्गीन शब्दहरूका परिधिभित्रको
यात्रामय जीवन !
जीवन ! थरीथरीका रङ मिश्रित भोगाइ
खुसीका रङहरू !
पीडाका रङहरू !
यस्तै अरू यावत...
विविध रङहरू !!
जुन रङ ! तिमीले लगाइदियौ
म रङ्गिएँ
जुन रङ ! मैले लगाइदिएँ
तिमी रङ्गियौ
जुन रङ ! उसले लगाइदियो
हामी दुवै रङ्गियौँ
यिनै मिश्रित रङहरूसँग रुमल्लिएर
बिना प्रश्न चुपचाप रङ्गिनुपर्ने
जीवनको नियति !
...
चाबहिल, काठमाडौँ
-original-thumb.jpg)
