कोकिला भण्डारी
धनकुटा, जेठ १८ गते । संखुवासभाको खाँदबारी नगरपालिका १० घर भई हाल धनकुटा बस्ने बर्ष २४ का पुरन राईको धनकुटामा मोटरसाइकल दुर्घटनामा मृत्यु भएको छ । बुधबार विहान धनकुटाबाट धरानतर्फ जाँदैगरेको मे ६ प १७५६ नम्बरको मोटरसाइकल धनकुटा नगरपालिकास्थित वडा ६ मा अनियन्त्रित भई दुर्घटना भएको राईको अस्पताल पुग्नेवित्तिकै मुत्यु भएको हो ।
दुर्घट्नामा घाइते भएका मोटरसाइकल चालक राईलाई उपचारका लागि जिल्ला अस्पताल धनकुटा लगिएको थियो । अस्पतालमा चिकित्सकले उहाँलाई मृत घोषित गर्नुभएको जिल्ला प्रहरी कार्यालय धनकुटाले जनाएको छ ।
मृतकको शबलाई पोष्टमार्टमका लागि जिल्ला अस्पतालको शवगृहमा राखिएको छ । अनियन्त्रित भई नालीमा पसेको मोटरसाईकल जिल्ला प्रहरी कार्यालयले आफ्नो नियन्त्रणमा लिएको छ ।
