चुनाव सकिएसँगै सुनसान बन्दै गाउँबस्ती
बाजुरामा चुनाव सकिएसँगै अधिकांश गाउँबस्ती सुनसान बन्दै गएका छन् । निर्वाचनका बेला गाउँमा आएकाहरू पुनः कामको खोजीमा धमाधम भारत जान थालेपछि अहिले यहाँका गाउँबस्ती सुनसान बन्दै गएका हुन् ।
पश्चिम सुर्खेतलाई पूर्वाधार सम्पन्न बनाउने लक्ष्य
देशभर लहर आइरहँदा कर्णालीमा पछि परेको राष्ट्रिय स्वतन्त्र पार्टीको कर्णालीमा खाता खोल्नुभएका उहाँले संसदीय यात्राको पहिलो अनुभवमै आफ्नो पुरानो दलका उम्मेदवारलाई भारी मतान्तरले पराजित गर्नुभयो । यस पटकको प्रतिनिधि सभा सदस्य निर्वाचनमा सुर्खेत क्षेत्र नं. २ बाट राष्ट्रिय स्वतन्त्र पार्टी (रास्वपा) बाट विजयी बन्नुभएका रमेशकुमार सापकोटाले नेपाली कांग्रेसका नारायणकुमार कोइरालालाई १४ हजारभन्दा बढी मतले पराजित गर्नुभयो । उहाँले निर्वाचनमा ३० हजार ८३२ मत प्राप्त गर्नुभएको छ ।
राज्य नै अभिभावक भएको अनुभूति गराउँछौँ
कञ्चनपुर निर्वाचन क्षेत्र नं. ३ बाट निर्वाचित प्रतिनिधि सभा सदस्य ज्ञानेन्द्रसिंह महताले नागरिकले सरकार होइन, सरकारले नागरिक खोज्ने परिपाटी विकास गरिने बताउनुभएको छ । सरकारले नागरिकको अवस्था बुझ्न सके मात्रै मुलुकको आमूल परिवर्तन सम्भव हुने धारणा उहाँको छ ।
कला प्रदर्शनीमा ४४ कलाकृति
नेपाल ललितकला प्रज्ञा–प्रतिष्ठानको सहकार्य तथा नेपाल कमर्सियल आर्टिस्ट सङ्घको आयोजनामा शुक्रबार ‘अक्षरमा कला प्रतियोगिता तथा प्रदर्शनी २०८२’ सुरु भएको छ । का
‘वंशवृक्ष’ को परिचर्चा
साहित्यिक पत्रकार सङ्घ तथा मिलाप म्यागेजिनको संयुक्त आयोजनामा कविद्वय प्रा. पुरुषोत्तम दाहाल र अनिमेष दाहालको संयुक्त कविताकृति ‘वंशवृक्ष’ को परिचर्चा गरियो । सो अवसरमा कविद्वयले आआफ्ना कवितासमेत वाचन गर्नुभएको थियो । कार्यक्रममा प्रमुख अतिथि प्राडा कुलप्रसाद कोइरालाले परिवारमा यस किसिमको साहित्यिक जागरण रहँदा नेपाली साहित्यको श्रीवृद्धिमा मलजल पुग्ने बताउनुभयो । उहाँले वंशवृक्षका बारेमा बोल्दै पिताको जीवाणु अंश छोराछोरीमा जानु स्वाभाविक भएको बताउँदै बाबुछोराको कुरा नभई सिर्जनशीलता निकै महत्वपूर्ण हुने बताउनुभयो ।
१८ डी सिनेमा सञ्चालन
साहसिक गतिविधिका लागि प्रसिद्ध पोखरामा अब मनोरञ्जनका लागि थप नयाँ आयाम थपिएको छ । फ्लाई नेपाल इन्टरटेनमेन्टले पोखरामा शुक्रबारदेखि १८ डी सिनेमा सञ्चालनमा ल्याएको छ । नेपालमै पहिलो पटक सुरु गरेको यस फ्लाई नेपालले पोखराको डिज्नील्यान्ड लेकसाइडमा सञ्चालनमा ल्याएको हो ।
‘सरकारसँग सहकार्य गर्न एनआरएनए तयार’
गैरआवसीय नेपाली सङ्घ (एनआरएनए) ले मुलुकको समृद्धिका लागि नयाँ सरकारसँग सहकार्य गर्न तयार रहेको जनाएको छ । कार्य समितिका नवनिर्वाचित उपाध्यक्ष डा. ज्ञानेन्द्र रेग्मीले झन्डै दुई तिहाइ जनमतमार्फत बन्ने आगामी सरकारले राजनीतिक स्थायित्व कायम गर्न सफल हुने बताउँदै मुलुकको समृद्धिका लागि अब बन्ने सरकारसँग सहकार्य गर्न एनआरएनए तयार रहेको बताउनुभयो ।
होटेल कान्तिपुर प्लाजा सञ्चालन
बाँकेको नेपालगन्जमा नयाँ होटेल थपिएको छ । नेपालगन्जको धम्बोझीमा १५ करोड रुपियाँको लगानीमा नयाँ दुईतारे होटेल ‘होटेल कान्तिपुर प्लाजा’ शुक्रबारदेखि सञ्चालनमा आएको हो ।
बैङ्क तथा वित्तीय संस्था ३५ दिन बिदा हुने
आगामी वर्ष २०८३ मा बैङ्क तथा वित्तीय संस्था ३५ दिन बिदा हुने भएका छन् । नेपाल राष्ट्र बैङ्क मानव संसाधन व्यवस्थापन विभागमार्फत जारी सूचना नयाँ वर्ष, श्रमिक दिवस, बुद्धजयन्ती, गणतन्त्र दिवस, रक्षाबन्धन, गाईजात्रा, कृष्ण जन्माष्टमी, हरितालिका तिज, संविधान दिवस, इन्द्रजात्रा, दसैँ, तिहार, छठ, ल्होसार, महाशिवरात्रि तथा फागुपूर्णिमा जस्ता प्रमुख चाडपर्वमा बैङ्क तथा वित्तीय संस्था बन्द हुने छन् ।
मकैलाई भएन मल अभाव
विगतका वर्षमा खेतीको सिजन सुरु हुनासाथ रासायनिक मलको अभाव खेप्दै आएका कोशी प्रदेशका किसानले यस वर्ष भने राहत महसुस गरेका छन् । विशेष गरी हिउँदे मकै र चैते धानको सिजनमा यस पटक मलको अभाव भएको गुनासो सुनिएको छैन ।
महँगियो निर्माण सामग्री
केही दिनयता सिमेन्ट र डन्डीको मूल्य बढेको छ । यसले गर्दा निर्माण कार्य प्रभावित हुने देखिएको छ । अमेरिका–इजरायल र इरानबिचको द्वन्द्वको कारण देखाउँदै सिमेन्ट र डन्डीको मूल्य वृद्धि गरिएसँगै निर्माण कार्य पनि प्रभावित हुने देखिएको हो ।
पश्चिम एसियामा रहेका नेपालीहरुलाई सुरक्षित रहन अपिल
पछिल्लो समय पश्चिम एसियाका विभिन्न मुलुकका ऊर्जा केन्द्रमा आक्रमण बढेकाले आसपासमा रहेका नेपाली नागरिकलाई सुरक्षित रहन परराष्ट्र मन्त्रालयले अपिल गरेको छ । पश्चिम एसियामा युद्धका कारण हालसम्म एक जना नेपालीको मृत्यु हुनुको साथै २० जना नेपाली घाइते भएका छन् । १९ जना नेपाली सामान्य उपचारपछि फर्किसकेका छन् भने एक जना उपचाररत छन् । शुक्रबार परराष्ट्र मन्त्रालयले नियमित पत्रकार सम्मेलनमार्फत हालसम्मको अवस्थाबारे जानकारी दिएको हो ।
निर्वाचन निष्पक्ष रूपमा सम्पन्न
नागरिक समाज सम्बद्ध पर्यवेक्षण संस्थाहरूले फागुन २१ गते सम्पन्न प्रतिनिधि सभा सदस्य निर्वाचन समग्रमा शान्तिपूर्ण, व्यवस्थित, स्वतन्त्र तथा तुलनात्मक रूपमा निष्पक्ष भएको निष्कर्ष निकालेका छन् ।
सङ्घीयता र प्रशासन सुधारमा अपेक्षाकृत काम
सङ्घीय मामिला तथा सामान्य प्रशासन मन्त्रालयले छ महिनामा प्रशासन सुधार र सङ्घीयताका सवालमा सुधारात्मक कार्य गरेको प्रतिवेदन सार्वजनिक गरेको छ । गत भदौ २७ गते चुनावी सरकारका रूपमा प्रधानमन्त्री सुशीला कार्कीको नेतृत्वमा गत असोज ७ गतेदेखि सङ्घीय मामिला तथा सामान्य प्रशासन मन्त्रालयको जिम्मेवारी समाल्नुभएका रामेश्वर खनालले यस अवधिमा अपेक्षाकृत कार्य सम्पन्न भएको प्रतिवेदन सार्वजनिक गर्नुभएको हो ।
निर्वाचनमा उत्कृष्ट कार्यसम्पादन गर्ने प्रहरी पुरस्कृत
प्रहरी प्रधान कार्यालयले गत फागुन २१ गते सम्पन्न प्रतिनिधि सभा निर्वाचनमा उत्कृष्ट कार्यसम्पादन गर्ने ६९ जना प्रहरीलाई पुरस्कृत गरेको छ । प्रहरी महानिरीक्षक दानबहादुर कार्कीले प्रहरी जवानदेखि प्रहरी अतिरिक्त महानिरीक्षकसम्मका कर्मचारीलाई नगदसहित पुरस्कार दिने निर्णय गर्नुभएको हो ।
नयाँ सांसदको शपथ केसीले गराउने
नवनिर्वाचित सांसद अर्जुननरसिंह केसीले ज्येष्ठ सदस्यका रूपमा प्रतिनिधि सभाका २७४ जना सदस्यलाई शपथग्रहण गराउनुहुने भएको छ । उहाँ समानुपातिक निर्वाचन प्रणालीतर्फ नेपाली कांग्रेसबाट निर्वाचित हुनुभएको हो ।
धमाधम फर्कन थाले श्रमिक
‘नखाऊँ भने दिनभरिको सिकार, खाऊँ भने कान्छा बाउको अनुहार’ पश्चिम एसियामा वैदेशिक रोजगारीमा रहेका नेपाली नागरिकका लागि त्यहाँको रोजगारी यही नेपाली उखानसरह बनेको छ । नबसौँ त स्वदेशमा रोजगारी छैन, अनेक दुःखजिलो गरेर श्रम गन्तव्य मुलुकमा पुगिएको छ । बसौँ, युद्धको त्रास छ । त्रासकै बिच केही दिनयता पश्चिम एसियामा जारी अमेरिका, इजरायल र इरानबिचको युद्धका कारण त्रासमा रहेका नेपाली नागरिक नेपाल सरकारको समन्वयमा स्वेच्छाले स्वदेश फर्कने क्रम बढेको छ । हालसम्म करिब दुई हजार तीन सय जना नेपाली नागरिक स्वदेश फर्किसकेका अध्यागमन विभागले बताएको छ ।
सुशासन पहिलो सर्त
जेनजी जनआन्दोलनको कार्यादेश र राष्ट्रलाई नवीनतम अवधारणासहित अग्रगामी रूपान्तरणको पथमा अघि बढ्ने अभिलाषासाथ नागरिकले एउटै पार्टीलाई झन्डै दुई तिहाइ मत दिएका छन् । नागरिकले आफ्नो सार्वभौम अधिकार प्रयोग गर्दै राष्ट्रिय स्वतन्त्र पार्टीलाई झन्डै दुई तिहाइ मत प्रदान गरेका हुन् ।
उनन्चालिस जिल्लाको प्रतिनिधित्व शून्य
संवैधानिक व्यवस्था र प्रचलित निर्वाचन कानुनले प्रतिनिधि सभाको समानुपातिक निर्वाचनमा उम्मेदवारी दिँदा भूगोल र प्रादेशिक सन्तुलन ख्याल गर्नुपर्ने आधार तोकेको छ । तर राजनीतिक दलबाट बन्दसूची पेस र उम्मेदवार छनोटमा समेत भूगोल र प्रादेशिक असन्तुलनको ठुलो खाडल देखिने गरेको छ । संविधान र कानुनले गरेको बाध्यात्मक व्यवस्थामा पनि हरेकजसो निर्वाचनमा पुरानै प्रवृत्ति दोहोरिने गरेको छ । नयाँ तथा पुराना सबै दलले प्रादेशिक सन्तुलन र भूगोललाई उपेक्षा गरेको तथ्याङ्कबाट पुष्टि हुन्छ ।
लागुऔषधसहित युवक पक्राउ
कास्कीको पोखरा महानगरपालिका वडा –२९, सैनिक बस्तीबाट ठुलो परिमाणको प्रतिबन्धित लागु औषधसहित एक युवकलाई प्रहरीले नियन्त्रणमा लिएको छ ।
लेकाली क्षेत्रमा हिमपात, जनजीवन प्रभावित
कालीकोटको पहाडी क्षेत्रमा हिमपात हुन थालेपछि चिसो बढेको छ । डाँडामा हिमपात हुँदा जनजीवन प्रभावित बनेको हो ।
प्यूठानमा कुखुरा र अण्डा आयातमा रोक
बाहिरी जिल्लाबाट प्यूठान आयात हुने कुखुरा तथा अण्डामा रोक लगाइएको छ । जिल्ला स्तरीय बर्डफ्लु नियन्त्रण समितिको शुक्रबार बसेको बैठकले बाहिरी जिल्लाबाट आयात हुने कुखुरा तथा अण्डाजन्य उत्पादनमा नियन्त्रण गर्ने निर्णय भएको हो ।
असिनाले बेमौसमी तरकारी र बालीमा व्यापक क्षति
हावाहुरीसहित परेको असिना पानीले सल्यानमा तरकारी तथा अन्नबालीमा क्षति गरेको छ । विशेषगरी जिल्लाको कपुरकोट क्षेत्रमा बेमौसमी तरकारी खेती, गहुँ र जौँमा शुक्रबार दिउँसो परेको असिना पानीले ठुलो क्षति गरेको किसानहरूले चिन्ता व्यक्त गरेका छन्।
पत्रकारिताको आधारभूत सीपका लागि कार्यशाला
नेपालगञ्जमा पत्रकारिताका आधारभूत सीपहरूबारे एक दिने कार्यशाला आयोजना गरिएको छ। समाचार स्टोरीको आइडिया कसरी बनाउने र स्रोतसम्म कसरी पुग्ने विषयमा केन्द्रित भएर कार्यशालामा जानकारी दिइएको छ ।
लमही सबस्टेशनमा आगलागी, विद्युत सेवा अवरुद्ध
नेपाल विद्युत प्राधिकरण कोहलपुर ग्रिडअन्तर्गत लमही सबस्टेशनमा आगलागी हुँदा विद्युत सेवा अवरुद्ध भएको छ ।
