कास्की १ (क) मा एमालेका खगराज अधिकारी विजयी
कास्की निर्वाचन क्षेत्र नम्बर १ को (क) मा नेकपा (एमाले)का खगराज अधिकारी विजयी हुनुभएको छ । अधिकारीले नेकपा (माओवादी केन्द्र)का दिपक कोइरालालाई तीन हजार ९९६ मतले पछि पार्दै विजयी बन्नुभएको हो ।
कास्की १ मा एमालेका मनबहादुर विजयी
कास्की १ बाट प्रतिनिधिसभा सदस्यमा नेकपा (एमाले)का मनबहादुर गुरुङ विजयी हुनुभएको छ ।
कास्की ३ बाट एमालेका दामोदर पौडेल वैरागी निर्वाचित
कास्की ३ बाट एमालेका दामोदर पौडेल वैरागी निर्वाचित हुनुभएको छ । गण्डकीका बहालवाला अर्थमन्त्रीलाई ५ हजार ४ सय ४५ मतान्तरले पछि पार्दै विजयी हुनुभएको हो । एमालेका वैरागी र माओवादीका रामजी बराल जीवनको प्रतिस्पर्धालाई निकै रोचक ढङ्गले हेरिएको थियो ।
बाँके १ ‘क’ माओवादीकी केसी पुनः निर्वाचित
बाँके १ क बाट नेकपा (माओवादी केन्द्र)की नेत्री कृष्णा केसी लुम्बिनी प्रदेशसभामा पुनः निर्वाचित हुनुभएको छ ।
कास्की ३ को (ख)मा कांग्रेसका बराल विजयी
कास्की क्षेत्र ३ (ख) बाट प्रदेश सभा सदस्यमा नेपाली कांग्रेसका प्रकाश बराल विजयी हुनुभएको छ । उहाँले नेकपा (एमाले) का उम्मेदवार राजीव पहारीलाई ४६५ मतान्तरले पराजित गर्नुभएको हो ।
पूर्वी नवलपरासी २ मा कांग्रेसका विष्णुकुमार कार्की विजयी
पूर्वी नवलपरासी क्षेत्र नम्बर २ बाट नेपाली कांग्रेसका विष्णुकुमार कार्की विजयी हुनुभएको छ।
कास्की २ (ख) मा कांग्रेसका थापा विजयी
गण्डकी प्रदेश सभा सदस्यमा कांग्रेसका बिन्दुकुमार थापा विजयी हुनुभएको छ । उहाँ कास्की २ (ख) बाट विजयी हुनुभएका हो । एमालेकी मिना गुरुङलाई १ हजार ३ सय १० मतान्तरले उहाँ पराजित गर्नुभएको हो ।
स्याङ्जा १ (क) बाट एमालेका सुन्दास निर्वाचित
शोकमा रहनुभएका स्याङ्जा १ (क) सीताकुमारी सुन्दास विजयी हुनुभएको छ । मङ्सिर ४ गते निर्वाचनको दिनमा ९० वर्षीया आमा चित्रकुमारी सुन्दासको निधन भएको थियो ।
कास्की क्षेत्र २ मा एमाले नेत्री विद्या भट्टराई निर्वाचित
कास्की क्षेत्र नम्बर २ मा नेकपा (एमाले) का उम्मेदवार विद्या भट्टराई विजयी हुनुभएको छ । राष्ट्रिय स्वतन्त्र पार्टीका उम्मेदवार माधवप्रसाद कंडेललाई पराजित गर्दै भट्टराई प्रतिनिधि सभा सदस्यमा निर्वाचित हुनुभएको हो ।
कांग्रेस नेता शशाङ्क कोइराला लगातार चौथो पटक विजयी
नेपाली कांग्रेसका नेता शशाङ्क कोइराला लगातार चौथो पटक नवलपरासी (बर्दघाट सुस्ता पूर्व) १ बाट विजयी हुनुभएको छ ।
लमजुङ प्रदेश (क) मा कांग्रेसका गुरुङ विजयी
लमजुङ प्रदेशसभा निर्वाचनअन्तर्गत प्रदेश ‘१’ मा गठबन्धनतर्फबाट नेपाली कांग्रेसका जिल्ला सभापति डा. टकराज गुरुङ विजयी हुनुभएको छ ।
दोब्बर मतान्तरले गोरखाबाट माओवादी अध्यक्ष प्रचण्ड विजयी
गोरखा–२ बाट प्रतिनिधिसभा सदस्यमा नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ भारी मतले विजयी हुनुभएको छ ।
गोरखा–१ मा कांग्रेसका बजगाईँ विजयी
गोरखा–१ बाट वाम–गठबन्धनका उम्मेदवार नेपाली काँग्रेसका राजेन्द्र बजगाईँ प्रतिनिधि सभा सदस्यमा निर्वाचित हुनु भएको छ ।
पाल्पा १ प्रदेशसभा (क) मा एमालेका श्रेष्ठ विजयी
प्रदेश सभा सदस्यतर्फको पाल्पा क्षेत्र नम्बर १ (क) मा नेकपा (एमाले) का राजुप्रसाद श्रेष्ठ निर्वाचित हुनुभएको छ । श्रेष्ठ १७ हजार ६२४ मतसहित विजयी भएको निर्वाचन अधिकृतको कार्यालयले जनाएको छ ।
पर्वतमा प्रतिनिधि सभा र प्रदेशका दुवै स्थानमा एमाले विजयी
जिल्लामा प्रतिनिधि सभा र प्रदेश सभा अन्तर्गत एमाले विजयी भएको छ । एक प्रतिनिधि सभा र दुई प्रदेश सभाको अन्तिम परिणाम अनुसार तीनै स्थानमा नेकपा एमालेका उम्मेदवार विजयी हुनुभएको छ ।
तनहुँ–१ (क) मा कांग्रेसका श्रेष्ठ विजयी
तनहुँको प्रदेशसभा निर्वाचन क्षेत्र नम्बर १ (क) मा नेपाली कांग्रेसका अशोककुमार श्रेष्ठ भारी मतान्तरले विजयी हुनु भएको छ ।
तनहुँ १ (ख) बाट माओवादी केन्द्रका चुमान विजयी
तनहुँ १ (ख) बाट हरिबहादुर चुमान विजयी हुनु भएको छ । नेकपा (माओवादी केन्द्र) का चुमानले एमालेका पूर्णबहादुर गुरुङलाई हराउँदै उहाँ विजयी हुनु भएको छ ।
स्याङ्जा १ को प्रदेशसभा (क) मा सुन्दास विजयी
स्याङ्जा क्षेत्र नं १ प्रदेश (क) मा नेकपा (एमाले) का उम्मेदवार सिता कुमारी सुन्दास विजयी हुनु भएको छ ।
नवलपुर–१ को प्रदेश (क) मा कांग्रेस सभापति जिसी विजयी
पूर्वी नवलपरासीको प्रदेशसभा निर्वाचन क्षेत्र नम्बर १ को (क) मा नेपाली कांग्रेसका उम्मेदवार महेन्द्रध्वज जिसि विजयी हुनुभएको छ ।
गोरखाका चार वटै प्रदेशसभा गठबन्धनका उम्मेदवार विजयी
गोरखाका चार वटै प्रदेशसभा निर्वाचन क्षेत्रमा बाम गठबन्धन विजयी भएको छ । क्षेत्र नं. १ को प्रदेशसभा (क) मा नेकपा (माओवादी केन्द्र) का कृष्ण धिताल विजयी हुनुभएको छ ।
म्याग्दीमा कांग्रेसका गर्बुजा विजयी
म्याग्दी प्रतिनिधि सभा सदस्य तर्फ बाम–लोकतान्त्रिक गठबन्धनका उम्मेदवार नेपाली कांग्रेसका खमबहादुर गर्बुजा (खम्बिर) विजयी हुनुभएको छ ।
लमजुङमा पृथ्वी सुब्बा गुरुङ विजयी
प्रतिनिधि सभा सदस्यमा नेकपा (एमाले) का पृथ्वी सुब्बा गुरुङ विजयी हुनु भएको छ ।
म्याग्दी प्रदेशसभा (ख) मा माओवादीका भण्डारी विजयी
म्याग्दीको प्रदेशसभा (क) मा गठबन्धनका साझा उम्मेदवार नेकपा (माओवादी केन्द्र) का युवा नेता हरि भण्डारी विजयी हुनुभएको छ ।
बागलुङबाट माओवादी केन्द्रका देवेन्द्र पौडेल विजयी
बागलुङ क्षेत्र नम्बर २ बाट (माओवादी केन्द्र)का सचिव तथा शिक्षामन्त्री देवेन्द्र पौडेल विजयी हुनुभएको छ। पौडेल २४ हजार ७७९ मत प्राप्त गर्नुभयो।
राष्ट्रिय जनमोर्चाका अध्यक्ष चित्रबहादुर केसी निर्वाचित
राष्ट्रिय जनमोर्चाले बागलुङबाट प्रतिनिधिसभा सदस्यमा जितको सुरुवात गरेको छ । जनमोर्चाका केन्द्रीय अध्यक्ष चित्रबहादुर केसी बागलुङ निर्वाचन क्षेत्र नं १ बाट प्रतिनिधिसभा सदस्यमा निर्वाचित हुनुभएको हो ।
