गोरखापत्र अनलाइन
काठमाडौं, असार २६ गते । चितवनको इच्छाकामना गाउँपालिका –६ कालिखोलास्थित त्रिशुली नदी किनारमा एक पुरुषको शव फेला परेको छ। अन्दाजी ५० वर्षिय पुरुषको केही अंग नभएको शव फेला परेको प्रहरीले जनाएको छ ।
शव भेटिएको खबर पाउनासाथ मनसुनजन्य विपद् प्रयोजनार्थ सशस्त्र प्रहरी बल नेपाल अस्थायी सुरक्षा वेस भालढुङ्गबाट खटिएको सुरक्षा फौज र नेपाल प्रहरीको संयुक्त टोलीले शवको मुचुल्का उठाई भरतपुर जिल्ला अस्पताल लगेको जनाएको छ । फेला परेको शवको पहिचान हुन बाँकी रहेको सशस्त्र प्रहरीका डिएसपी शैलेन्द्र थापाले बताउनुभयो ।
असार २४ गते रसुवामा आएको बाढीमा बेपत्ता व्यक्तिको शव हुन सक्ने आशंका थापाले गर्नुभयो ।
