दसैँ मनाउन स्वदेश फर्किनेको भिडभाड
दसैँ सुरु भएसँगै कामका लागि भारत गएका नेपाली यहाँस्थित जमुनाह नाका भएर स्वदेश फर्किने क्रम बढेको छ । इलाका प्रहरी कार्यालय जमुनाह नाकाका अनुसार केही दिनअघिसम्म दैनिक दुईदेखि पाँच हजारको सङ्ख्यामा नेपाली यो नाका भएर स्वदेश फर्किरहेका थिए भने अहिले दैनिक १५ हजारको हाराहारीमा स्वदेश फर्किरहेका छन् ।
अक्सिजन प्लान्ट एक वर्षदेखि बन्द
अक्सिजनको उत्पादन गरी सहज आपूर्ति गर्न बर्दिया अस्पतालमा स्थापना गरिएको अक्सिजन प्लान्ट एक वर्षदेखि बन्द रहेको छ । अक्सिजन प्लान्ट बन्द हुँदा अस्पतालमा आवश्यक अक्सिजन नेपालगन्जदेखि ल्याउनुपर्ने बाध्यता छ ।
वैदेशिक रोजगारीका नाममा ठगिएको रकम फिर्ता
वैदेशिक रोजगारीका लागि गएका १३ जनाको ठगिएको २३ लाख रकम फिर्ता गरिएको छ । विदेश पठाउने भन्दै पैसा लगेर फिर्ता नगर्ने अर्घाखाँचीका १३ जना सर्वसाधारणको २३ लाख २४ हजार ७६५ रुपियाँ फिर्ता गरिएको हो ।
जनदबाबपछि सुरु भयो मर्मत
नेपालगन्ज–कोहलपुर सडकखण्डको मर्मतसम्भारको काम अहिले फेरि सुरु गरिएको छ । जनप्रतिनिधि र स्थानीयको धर्नापछि चार महिनाअघि मर्मतसम्भार सुरु गरेको जस्तो देखाएर रोकिएको मर्मतसम्भारको कार्य अहिले फेरि यात्रु, स्थानीयवासी र जनप्रतिनिधिले पुनः दबाब दिएपछि सुरु गरिएको हो । जेनजीको आन्दोलनपछि सिर्जना भएको नयाँ अवस्थाका कारण सडक मर्मतसम्भारको कामलाई सुचारु गरिएको अनुमान गरिएको छ ।
लैङ्गिक हिंसाका कारण महिला तथा किशोरीमा मानसिक समस्या
लैङ्गिक हिंसाका कारण बाँकेका ग्रामीण क्षेत्रका मधेशी समुदायका महिला तथा कशोरीहरुमा मानसिक समस्या देखिएको छ ।
आगजनीबाट क्षतिग्रस्त कोहलपुर नगरपालिकालाई प्याब्सन कोहलपुरको सहयोग
निजी तथा आवासीय विद्यालय अर्गनाइजेशन नेपाल (प्याब्सन) कोहलपुर नगर समितिद्वारा कोहलपुर नगरपालिकालाई जिन्सी सामग्री सहयोग गरेको छ ।
लुम्बिनी सरकारद्वारा पूर्वविशिष्ट पदाधिकारीको सेवासुविधा खारेज
लुम्बिनी प्रदेश सरकारले एक वर्षअघि नै पूर्वविशिष्ट पदाधिकारीलाई दिँदै आएको सेवासुविधा खारेज गर्ने निर्णय गरेको थियो ।
गुल्मी धुर्कोटका एक लाखभन्दा बढीका अखाद्य वस्तु नष्ट
गुल्मीको धुर्कोट गाउँपालिकाका विभिन्न पसलहरुबाट म्याद नाघेका एक लाख २१ हजार ३६८ रुपियाँ बराबरका सामग्री बरामद गरेर नष्ट गरिएको छ ।
पश्चिम नवलपरासीमा सीमा निगरानी कडा : अवैध सामान बरामद दोब्बरले वृद्धि
पश्चिम नवलपरासीमा प्रहरीले सीमा नाकामा गस्ती र निगरानी बढाएसँगै गत महिनाको तुलनामा अवैध रूपमा नेपाल भित्र्याइँदै गरेका दोब्बरभन्दा बढी सामान बरामद गर्न सफल भएको छ ।
कथाकार सुवेदी सम्मानित
मध्यपश्चिम स्रष्टा समाजले ‘सनत रचना कथा सम्मान–२०८१’ ‘बहुरूपी’ कथासङ्ग्रहका लेखक कथाकार श्रेयज सुवेदीलाई प्रदान गरेको छ । नेपालगन्जमा एक कार्यक्रमबिच स्रष्टा समाजले कथाकार सुवेदीलाई सम्मान गरेको हो । प्राडा कृष्णप्रसाद घिमिरेको प्रमुख आतिथ्य र मध्यपश्चिम स्रष्टा समाजका अध्यक्ष वीरेन्द्र जैसीको अध्यक्षतामा सम्पन्न कार्यक्रममा सुवेदीलाई नगद ११ हजार १११, सम्मानपत्र हस्तान्तरण गर्दै दोसल्ला ओढाएर सम्मान गरिएको थियो ।
(1)-original-thumb.jpg)
बेलहियाबाट आए आठ महिनामा चौरानब्बे देशका बाउन्न हजार पर्यटक
रुपन्देहीको बेलहिया नाकाबाट सन् २०२५ को साढे आठ महिनामा ९४ देशका ५२ हजारभन्दा बढी पर्यटक नेपाल भित्रिएका छन् । अध्यागमन कार्यालयका अनुसार यस अवधिमा नेपाल आउने पर्यटकमध्ये सबैभन्दा धेरै श्रीलङ्काका छन् । त्यसपछि थाइल्यान्ड, म्यान्मार, दक्षिण कोरिया र भियतनामका पर्यटकको सङ्ख्या उल्लेख्य छ ।
श्रीमतीको हत्याको आरोमा श्रीमान् पक्राउ
घोराही उमनपा–३ की ५७ वर्षीया श्रीमती लिला पुनको हत्या गरेको आरोपमा श्रीमान पक्राउ परेका छन् । प्रहरीले ५७ वर्षीय श्रीमान् सुकराम पुनलाई जिल्ला प्रहरी कार्यालय दाङले पक्राउ गरेको हो ।
चट्याङ लागेर चार वर्षीया बालिकाको मृत्यु
पश्चिम गुल्मीको मदाने गाउँपालिका–५ झ्यानपानीमा बुधबार राति चट्याङ लागेर एक बालिकाको मृत्यु भएको छ । मृत्यु हुनेमा चार वर्षीया रियासा विक हुनुहुन्छ ।
सखियाको पैयाँ जोगाउन थारू अगुवाहरुको आग्रह
दशैंमा नाचिने थारू सखिया नाचको पैयाँ लोप हुँदै गएकाले यसको संरक्षण र प्रवर्द्धन आवश्यक रहेकोम भन्दै थारु अगुवाहरुले त्यसको संरक्षणमा लाग्न आग्रह गर्नुभएको छ । नमुना भ्युह्यार थान तुलसीपुर र थारू कल्याणकारी सभा क्षेत्र नं ३ को संयुक्त आयोजनामा सम्पन्न दशैंको शुभकामना आदानप्रदान कार्यक्रममा वक्ताहरूले सो आव्हान गरेका हुन् ।
दुई हजार गोलीका खोका औद्योगिक क्षेत्रबाट चोरी भएको खुल्यो
नेपालगन्जमा गत आइतबार बिहान स्थानीयले नियन्त्रणमा लिएका एक भारतीय चोरबाट बरामद गरिएका दुई हजार बढी गोलीका खोकाको बारेमा प्रहरीले अनुसन्धान गरिरहेको छ।
काठ चोरेको आरोपमा सामुदायिक वनका अध्यक्षसहित पक्राउ
अर्घाखाँचीको एक सामुदायिक वनका अध्यक्षसहित उपभोक्ता मिलेर अवैध रूपमा सालको रुख काटेर चिरान गदैँगरेको अवस्थामा प्रक्राउ परेका छन् ।
प्युठानमा रेबिजविरुद्धको खोप अभियान सञ्चालन
बजार क्षेत्रमा भुस्याहा कुकुरको सङ्ख्या बढ्दै गएपछि एकीकृत कृषि तथा पशुपन्छी विकास कार्यालय प्युठानले निःशुल्क रेबिजविरुद्धको खोप अभियान सञ्चालन गरेको छ ।
कपिलवस्तुमा बस दुर्घटना : एकको अवस्था गम्भीर
जिल्लाको शिवराज नगरपालिका १ उमरिचोकमा पूर्व–पश्चिम राजमार्ग बस बुधबार बिहान दुर्घटना हुँदा १० जना घाइते भएका छन् ।
भारतबाट फर्किने नेपाली बिचबाटोमै असुरक्षित
विजयादशमी मनाउन घर फर्किने क्रममा सिमानामा नेपालीहरुले भोग्नुपरेका समस्या न्यूनीकरणका लागि होटल व्यवसायी संघ बाँकेले पहलकदमी अघि बढाएको छ ।
नेपालगन्ज उपमहानगरपालिका कार्यालयमा करिब २८ करोडको क्षति
जेनजी समूहको आन्दोलनका क्रममा भदौ २४ गते भएको आगजनी तथा तोडफोडमा नेपालगन्ज उपमहानगरपालिका कार्यालयमा मात्रै करिब २८ करोडको क्षति भएको छ ।
अनुदान रकम दसैँअघि नै पाउनुपर्ने उखु किसानको माग
मुलुकभरका उखु किसानले सरकारसँगको सम्झौताअनुसारको अनुदान रकम दसैँअघि नै पाउनुपर्ने माग गरेका छन् । सरकारले यसअघि नै रकम उपलब्ध गराउने प्रतिबद्धता जनाए पनि अहिलेसम्म किसानले उक्त रकम नपाएपछि उनीहरू चिन्तित बनेका हुन् ।
बाटोखर्च नहुनेलाई सहयोग
दसैँका लागि देश–विदेशबाट घर फर्कने यात्रुको सहजताका लागि बुटवलमा ‘नागरिक सहायता कक्ष’ स्थापना गरिएको छ । घटस्थापनाको दिनदेखि सञ्चालनमा आएको यस कक्षमार्फत बाटोखर्च नहुने यात्रुलाई समेत सहयोग गर्ने व्यवस्था मिलाइएको छ ।
सर्भे सकियो कात्तिकबाट निर्माण सुरु
दाङको घोराही–तुलसीपुर चार लेन सडक निर्माणका लागि सर्भेको काम सकिएको छ । चार लेन सडक निर्माणका लागि लागि सर्भे सकेर अहिले साइट भेरिफेकेसनको काम सुरु भएको हो ।
-original-thumb.jpg)
पश्चिम नवलपरासीमा १५ करोडको क्षति अनुमान
जेनजी प्रदर्शनका क्रममा भएको आगजनी र तोडफोडबाट पश्चिम नवलपरासीका सरकारी कार्यालयहरू र निजि सम्पत्ति गरी झन्डै १५ करोड रुपियाँको प्रारम्भिक क्षति भएको अनुमान गरिएको छ ।
कपिलवस्तुमा बस दुर्घटना, दस जना घाइते
कपिलवस्तुको शिवराज नगरपालिका १ उमरिचोकस्थित पूर्व पश्चिम राजमार्गमा काठमाडौँबाट नेपालगन्जतर्फ जाँदै गरेको बस दुर्घटना भएको छ ।
