• गोरखापत्र अनलाइन
• ४ चैत २०७९, शनिबार

सामुदायिक विद्यालयप्रति बढ्यो आकर्षण

बुटवलका सामुदायिक विद्यालयहरूमा पछिल्लो समय विद्यार्थीको आकर्षण बढेको पाइएको छ। विद्यालय व्यवस्थापन समितिको हौसलासँगै शिक्षक र अभिभावकको निरन्तर लगाव र मेहनतले सामुदायिक विद्यालयमा विद्यार्थीको आकर्षण बढेको हो। बुटवलको कालिका मानवज्ञान मावि, कान्ति मावि, नहरपुर मावि, सेमलार मावि र नयाँगाउँ माविमा विद्यार्थीको चाप पहिलेदेखि नै थियो भने पछिल्लो समय बुटवलकै ग्रामीण क्षेत्रका विद्यालयमा समेत विद्यार्थीको आकर्षणमा वृद्धि भएको छ।