.jpg)
दाङमा नेपाली काँग्रेसकाे विजयी सुरुवात
दाङमा नेपाली काँग्रेसले विजयी सुरुवात गरेको छ । दंगीशरण गाउँपालिका वडा नं. १ मा नेपाली काँग्रेसबाट उम्मेदवार बन्नुभएका रमेश भण्डारीसहित उहाँको प्यानल विजयी भएको हो ।
घोराही उपमहानगरपालिकाको मतगणना सुरु
मुख्य निर्वाचन अधिकृत रितेन्द्र थापाले उक्त महानगरपालिकाको वडा नं १४ र १९ बाट मतगणना सुरु गरिएको छ । उपमहानगरमा कूल एक लाख १२ हजार ९२७ मतदाता रहेकामा ७६ हजार ५२९ अर्थात् ६७ दशमलव ७६ प्रतिशत मत खसेको प्रदेश निर्वाचन कार्यालयले जनाएको छ ।
बुटवल उपमहानगरमा काँग्रेसका पाण्डेको अग्रता
लुम्बिनी, वैशाख ३१ गते । स्थानीय तह निर्वाचनको मतगणना रुपन्देहीका पालिकामा प्रारम्भ भएका छन् । जिल्लाको एक मात्र उपमहानगर रहेको बुटवल उपमहानगरको वडा नं १ बाट सुरु गरिएको मतगणनाको प्रारम्भिक परिणामअनुसार नेपाली काँग्रेसले सुरुआती अग्रता लिएको छ । उक्त वडामा ४०० मतगणना हुँदा काँग्रेसका नगरप्रमुख पदका प्रत्यासी खेलराज पाण्डेले सुरुआती अग्रता लिनुभएको छ । उहाँले २१५ प्राप्त गर्नुभएको छ भने, राप्रपाका मृगेन्द्रकुमार शेरचनले १७३ र नेकपा (एमाले)का बाबुराम भट्टराइले ७८ मत प्राप्त गर्नुभएको छ । त्यसैगरी सिद्धार्थनगर नगरपालिकाको वडा नं १ मा ७९२ मत गणना हुँदा काँग्रेसको ३९१ मत, राप्रपाको १६५ मत र एमालेको ६२ मत छ । अन्य पालिकाबाट पनि प्रारम्भिक परिणाम आउन थालेका छन् ।जिल्लामा १६ पालिकामध्ये एक उपमहानगरपालिका, पाँच नगरपालिका र १० गाउँपालिका छन् । शुक्रबार सम्पन्न मतदानमा जिल्लाभरिमा ७१ प्रतिशत मत खसेको जिल्ला निर्वाचन कार्यालय रुपन्देहीले जनाएको छ ।
शान्तिपूर्ण रूपमा मतदान सम्पन्न
लुम्बिनी प्रदेशमा शान्तिपूर्ण रूपमा मतदान सम्पन्न भएको छ । जिल्ला समाचारदाताहरूका अनुसार मतदानमा मतदाता उत्साहपूर्ण रूपमा सहभागी भए । मतदानपछि गणना स्थलमा मतपेटिका लैजाने काम भएको छ । रातिदेखि नै गणना गर्ने तयारी गरिएको छ ।
दाङमा ५६ प्रतिशत मत खस्यो
दाङमा ५६ प्रशितश मत खसेको छ । शुक्रबार दिउँसोसम्म जिल्लाका १० पालिकाका, ९९ वडामा ५६ प्रतिशत मत खसेको प्रदेश निर्वाचन कार्यालय दाङले जनाएको छ ।
-original-thumb.jpg)
रुकुमकोटमा किरियापुत्रीद्वारा मतदान
रुकुम पूर्वमा किरियापुत्रीले मतदान गर्नुभएको छ । स्थानीय तह निर्वाचनको मतदानको दिन जिल्लाको सिस्ने गाउँपालिका–५ टाकुराका एकाघरका चारजना किरियापुत्रीले मतदान गर्नुभएको हो । गीता शाह, मोहन शाह, सरिता शाह र डम्मरी कुमारी शाहले मतदान गर्नुभएको हो ।
मतगणना स्थलमा सीसी क्यामरा
घोराही, वैशाख ३० गते । स्थानीय तह निर्वाचनका लागि दाङ जिल्लामा सम्पूर्ण तयारी पूरा भएको छ । जिल्लामा १० पालिका र एक सय वडा रहेका छन् । प्रदेश निर्वाचन कार्यालय घोराहीका अनुसार निर्वाचनका लागि मतदान स्थलमा कर्मचारी टोली पुगेपछि नयाँ मतदातालाई परिचयपत्र वितरण गरिएको छ । परिचयपत्र लिन आउने मतदातालाई मतदान गर्ने विषयमा शिक्षासमेत दिइएको छ ।मुख्य निर्वाचन अधिकृत रितेन्द्र थापाले मतदान केन्द्रलाई व्यवस्थित गर्नका लागि तारबार गर्नेदेखि महिला, पुरुष र अशक्त, ज्येष्ठ नागरिकलगायतकालाई मतदान गर्ने छुट्टाछुट्टै लाइनको व्यवस्था गरिएको छ । दाङ जिल्लाको तुलसीपुर उपमहानगरपालिका–१७ को वडाध्यक्षका उम्मेदवारको मृत्यु भएकाले सो ठाउँमा जेठ ३ गते निर्वाचन हुने भएको छ । नेपाल कम्युनिस्ट पार्टी (एमाले)का तर्फबाट वडाध्यक्षका उम्मेदवार लवरु चौधरीको निर्वाचन प्रचारकै क्रममा मृत्यु भएको थियो ।निर्वाचनमा सुरक्षाका लागि तीन तहको सुरक्षा व्यवस्था मिलाइएको प्रमुख जिल्ला अधिकारी हिरालाल रेग्मीले बताउनुभयो । निर्वाचनको पहिलो घेरामा नेपाल प्रहरीको नेतृत्वमा म्यादी प्रहरीको सुरक्षा परिचालन रहनेछ । दोस्रो घेरामा सशस्त्र प्रहरी र तेस्रो घेरामा आवश्यकताअनुसार संवेदनशील मतदान केन्द्रमा नेपाली सेनाले सुरक्षा दिनेछन् ।दाङमा निर्वाचनका लागि एक सय ५३ मतदान स्थलमा चार सय ६१ वटा मतदान केन्द्र तोकिएको छ । जसमा तीन हजार ६८८ कर्मचारी र ३५ सय बढी सुरक्षाकर्मी परिचालन गरिएको छ । घोराही उपमहानगरपालिका–१५ स्थित काठेकोहल स्कुलमा रहेको केन्द्र जिल्लाकै ठूलो मतदान केन्द्र हो । जहाँ करिब १० हजार मतदाता रहेका छन् । सो केन्द्रअन्तर्गत १० वटा मतदान स्थल तोकिएका छन् । जिल्लामा चार लाख नौ हजार ९०२ मतदाता रहेका छन् । जसमा दुई लाख ७९९ पुरुष, दुई लाख नौ हजार ९९ जना महिला र अन्य दुई जना मतदाता रहेका छन् । दाङका मतगणना स्थलमा सीसी क्यामरा जडान गरिएको छ । स्थानीय तह निर्वाचनको मतगणनालाई सुरक्षित बनाउन यसपटक सीसी क्यामरा जडान गरिएका छन् । जिल्लाका १० वटै पालिकामा सीसी क्यामराको व्यवस्था गरिएको प्रमुख जिल्ला अधिकारी हिरालाल रेग्मीले जानकारी दिनुभयो । प्रमुख जिल्ला अधिकारी रेग्मीका अनुसार मतगणना स्थलमा सीसी क्यामरा जडानसँगै सुरक्षाका लागि तारबारको व्यवस्था गरिएको छ । प्रमुख जिल्ला अधिकारी रेग्मीले भन्नुभयो, “निर्वाचनको तयारी पूरा भएको छ । मतदान स्थल निर्माणदेखि मतगणना स्थल निर्माणका काम तयारी अवस्थामा छन् ।”मतगणनालाई सुरक्षित र पारदर्शी बनाउन तारबार र सीसी क्यामराको व्यवस्था गरिएको प्रजिअ रेग्मीले जानकारी दिनुभयो । पालिकामा आवश्यकताअनुसार पाँचदेखि १० वटासम्म सीसी क्यामरा जडान गरिएका छन् । उम्मेदवारका मतगणना प्रतिनिधि यस पटक मतगणना स्थलमा जान पाउने छैनन् । तारजालीभन्दा बाहिरपट्टि उम्मेदवारका मतगणना प्रतिनिधि बस्नेछन् । जिल्लाको तुलसीपुर उपमहानगरपालिकाबाहेक अन्य स्थानीय तहमा निर्वाचनपछि केन्द्रमा मतपेटिका सङ्कलन गरिनेछ । त्यसपछि सर्वदलीय बैठकले समय टुङ्गो लगाएअनुसार मतगणना सुरु हुने जनाइएको छ ।प्रजिअ रेग्मीका अनुसार तुलसीपुर उपमहानगरपालिका–१७ को निर्वाचन जेठ ३ गते हुने भएकाले सो पालिकाको मतगणना पछि हुनेछ ।
लुम्बिनीमा बन्यो मुलुककै ठूलो सभाहल र ध्यानकेन्द्र
बुद्ध जन्मस्थल लुम्बिनीमा पाँच हजार मानिस अट्ने सभाहल र ध्यान केन्द्र निर्माणको काम सकिएको छ । लुम्बिनी विकास कोषका अनुसार निर्माण सम्पन्न भएको ध्यान केन्द्रको आगामी जेठ २ गते बुद्ध जयन्तीका दिन उद्घाटन गरिने छ ।
रुपन्देहीका ६२ मतदानस्थल अतिसंवेदनशील
शुक्रबार हुने स्थानीय तहको निर्वाचनका लागि रुपन्देहीमा सुरक्षा व्यवस्था कडा पारिएको छ । निर्वाचन अवधिका लागि रुपन्देहीमा चार हजार ६०४ सुरक्षाकर्मी परिचालन गरिएको हो । मतदानस्थलमा सुरक्षाकर्मी र कर्मचारी मतपत्रसहित पुगिसकेका छन् ।
बाँकेमा सुरक्षाकर्मीसहित छ हजार कर्मचारी परिचालन
बाँकेमा स्थानीय तहको निर्वाचनका लागि कर्मचारी र सुरक्षाकर्मीसहित करिब छ हजार २०० परिचालन भएका छन् । शुक्रबार हुने निर्वाचनका लागि जिल्लाका आठ पालिकामा निजामती र संस्थानका गरी दुई हजार २०० कर्मचारी र चार हजार बढी सुरक्षाकर्मी परिचालन गरिएको प्रमुख जिल्ला अधिकारी सूर्यबहादुर खत्रीले जानकारी दिनुभयो । बाँकेमा १३६ मतदान केन्द्र र ३७९ मतदानस्थल रहेका छन् ।
रुपन्देहीमा निर्वाचन तयारी पूरा
रुपन्देही जिल्लामा स्थानीय तह निर्वाचनसम्बन्धी सम्पूर्ण तयारी पूरा भएको छ । मतदान केन्द्रको व्यवस्थापन गर्ने, जनशक्ति परिचालनलगायत कार्य सम्पन्न भएको छ ।निर्वाचन कार्यालय रुपन्देहीका प्रमुख अयोध्याप्रसाद भण्डारीका अनुसार सबै मतदान अधिकृतलाई निर्वाचनका लागि आवश्यक सामग्री बुझाइसकिएको छ । परिचयपत्र वितरणको कामसमेत सुरु भइसकेको छ ।
सासूको मृत्युपछि बुहारी उपप्रमुख पदको उम्मेदवार
कपिलवस्तुको महाराजगञ्ज नगरपालिकाका उपप्रमुख पदका उम्मेदवारको मृत्यु भएपछि नयाँ उम्मेदवार चयन गरिएको छ । नेपाली कांग्रेसबाट उपप्रमुख पदका उम्मेदवार दिनुभएका सुभावती कुर्मीको हृदयाघातबाट मृत्यु भएपछि सो पदमा उहाँकै बुहारीलाई उम्मेदवारी बनाइएको छ ।
भारतीय वायुसेनाको विमान गौतमबुद्ध विमानस्थलमा
भारतीय प्रधानमन्त्री नरेन्द्र मोदी बुद्ध जयन्तीमा जेठ २ गते लुम्बिनी आउने भएपछि सुरक्षा व्यवस्था मिलाउन भारतीय सैनिक अधिकारीहरु लिएर विशेष विमान गौतमबुद्ध विमानस्थलमा ओर्लिएको हो ।
महिलाको हत्या आरोपमा तीनजना पक्राउ
रुकुम पूर्वमा एक महिलाको अपहरण गरेर हत्या गरेको आरोपमा तीन जना पक्राउ परेका छन् ।
उम्मेदवारको मृत्युपछि तुलसीपुर–१७ मा जेठ ३ गते निर्वाचन
नेकपा (एमाले)बाट वडाध्यक्ष पदमा उम्मेदवार दिनुभएको लबरु चौधरीको मृत्यु भएपछि निर्वाचन आयोगले जेठ ३ गते निर्वाचन गर्ने निर्णय गरेको दाङका मुख्य निर्वाचन अधिकृत रितेन्द्र थापाले जानकारी दिनुभयो ।
बाँकेमा निर्वाचनका लागि चार हजार सुरक्षाकर्मी परिचालन
बाँकेमा स्थानीय तह निर्वाचनका लागि चार हजार सुरक्षाकर्मी परिचालन गरिएको छ । खुला सीमानाका कारण बाँकेमा निर्वाचन सुरक्षा निकायको लागि ठूलो चुनौती रहेकोले सो चुनौतीको सामना गर्न जिल्लामा चार हजार सुरक्षाकर्मी परिचालन गरिएको हो ।
झाडापखालाबाट तुलसीपुरमा एक बालकको मृत्यु, चार बिरामी
झाडापखालाबाट तुलसीपुरमा एक बालकको मृत्यु भएको छ भने चार जना बिरामी परेका छन् । मृत्यु हुनेमा उपमहानगरपालिका–११ उरहरि निवासी तिलक पुनका साढे दुई वर्षका छोरा अनमोल पुन रहेको राप्ती प्रादेशिक अस्पताल तुलसीपुरका इमर्जेन्सी इन्चार्ज धनबहादुर केसीले जानकारी दिनुभयो । अनमोललाई उपचारका लागि मङ्गलबार अस्पतालमा ल्याउँदै गर्दा बाटोमा नै मृत्यु भएको हो ।
उम्मेदवार मृत्युपछि आज मनोनयन दर्ता
दाङको तुलसीपुर उपमहानगरपालिका वडा नं १७ का नेकपा (एमाले)को तर्फबाट वडाध्यक्षका उम्मेदवार लबरु चौधरीको मृत्यु भएपछि अर्को उम्मेदवार मनोनयका लागि आजको समय तोकिएको छ । एमालेका लागि मात्रै बुधबार बिहान १० देखि १ बजेसम्म मनोनयन दर्ताको समय निर्धारण गरिएको तुलसीपुर उपमहानगरपालिकाका निर्वाचन अधिकृत रामेश्वर अर्यालले बताउनुभयो ।
उद्घाटन हुँदै पाँच हजार क्षमताको लुम्बिनी अन्तर्राष्ट्रिय सभाहल
लुम्बिनीमा निर्माण सम्पन्न गरिएको पाँच हजार मानिस अट्ने क्षमताको सभाहल र ध्यान केन्द्रको निर्माण सम्पन्न भएको छ । निर्माण सम्पन्न भएको उक्त ध्यान केन्द्रको जेठ २ गतेको बुद्ध जयन्तीका दिन उदघाटन गरिने लुम्बिनी विकास कोषले जनाएको छ ।
नसुधारिएको बालसुधारगृह
कानुनी विवादमा परेका बालबालिकालाई सुधार गर्न २०७५ भदौ ५ गते भैरहवामा बालसुधारगृह स्थापना भयो । सङ्घीय सरकार, महिला, बालबालिका तथा ज्येष्ठ नागरिक मन्त्रालयका सहयोगमा सिद्धार्थनगर—७ गार्गी पथमा स्थापित बालगृह ६० जना क्षमताको भए पनि १०२ बालक सो गृहमा छन् ।
सीमा नाका आजदेखि बन्द हुँदै
यही वैशाख ३० गते हुने स्थानीय तहको निर्वाचनका लागि बाँके र बर्दियाको भारतसित जोडिएको सीमा नाका आज रातिदेखि बन्द हुने भएको छ । भारतसँग जोडिएका बाँके र बर्दियाका सीमा नाका ७२ घण्टाका लागि बन्द गर्न लागिएको बाँकेका प्रमुख जिल्ला अधिकारी सूर्यबहादुर खत्रीले जानकारी दिनुभयो । यही शुक्रबार हुने स्थानीय तहको निर्वाचनलाई स्वच्छ, निष्पक्ष, शान्तिपूर्ण र भयरहित बनाउनका लागि भन्दै आज राति १२ बजेदेखि वैशाख ३० गते राति १२ बजेसम्मका लागि सीमा नाका बन्द गरिने उहाँले बताउनुभयो ।
प्रशासनिक सेवा बन्द
जिल्ला प्रशासन कार्यालय गुल्मीले स्थानीय तहको निर्वाचनमा कर्मचारी खटिनुपर्ने भएकाले नागरिकता वितरणलगायतका सेवा बन्द रहने जनाएको छ । स्थानीय तहको निर्वाचनमा कर्मचारी खटिनुपर्ने भएकाले नागरिकता, नाबालक परिचयपत्र, पेन्स
भ्रष्टाचार विकासको बाधक : डा.भण्डारी
नेपाली काँग्रेसका नेता तथा संविधान सभा सदस्य डा.चन्द्र भण्डारीले भ्रष्टाचार विकासको बाधक भएको बताउनु भएको छ ।कतिपय स्थानीय तहमा भ्रष्टाचार र वेथिति मौलाएको भन्दै उहाँले भ्रष्टाचार मुलुकको विकासको सबै ठूलो चुनौती बनेको छ भन्नुभयो ।
‘मोतिपुर औद्योगिक क्षेत्रका स्थानीयलाई विस्थापन गरिँदैन’
गृहमन्त्री बालकृष्ण खाँणले मोतिपुर औद्योगिक क्षेत्रका कारण कोही पनि विस्थापित हुनु नपर्ने बताउनुभएको छ । रुपन्देहीको मोतिपुरमा औद्योगिक क्षेत्र निर्माण गर्न सरकार प्रतिवद्ध रहेको उहाँको भनाइ छ ।
बुद्धजयन्ती भव्य रूपमा मनाइने
लुम्बिनी विकास कोषले २५६६औँ बुद्धजयन्ती भव्यतासाथ मनाउने भएको छ । आइतबार लुम्बिनीमा कोषले आयोजना गरेको पत्रकार अन्तत्र्रिmया कार्यक्रममा बुद्धको जन्म, बोधिज्ञान प्राप्ति र महापरिनिर्वाणको त्रियोग परेको दिन अर्थात् वैशाख पूर्णिमाको दिन बुद्धजयन्ती र लुम्बिनी दिवस भव्य रूपमा मनाउने जनाएको छ ।
