• गोरखापत्र अनलाइन
• १५ साउन २०८०, सोमबार

बाघको सङ्ख्या बढेसंँगै पर्यटक पनि बढे

पाटेबाघको संरक्षण गर्नकै लागि १३ वर्षअघि स्थापना गरिएको बाँके राष्ट्रिय निकुञ्जमा बाघको सङ्ख्या बढेसँगै अवलोकन गर्न आउने पर्यटकको सङ्ख्या पनि बढेको छ । निकुञ्ज स्थापना हुँदा चार वटा मात्र बाघ रहेकोमा हाल २५ भन्दा बढी बाघ पुगेको निकुञ्जले जनाएको छ । बाँके राष्ट्रिय निकुञ्जका सूचना अधिकारी अर्जुन भुसालले निकुञ्ज स्थापना हुँदा चार वटा बाघ रहेकोमा त्यसको आठ वर्षपछि गरिएको गणनामा सो सङ्ख्या २१ पुगेको र १२ वर्षपछि गत वर्ष गरिएको गणनामा २५ पुगेको बताउनुभयो ।